Güei ye xueves, un día normalín, como otru. Bien ciertu ye que tamos a dos meses de les elecciones, pero nun ye que fuera güei un día especialmente apretáu no que cinca a inauguraciones, fartures y mercadeos de fumos diarios. Asina que paeciome un día afayadizu pa facer una preba. Merqué los tres periódicos asturianos, y púnxeme a mirar cuánta publicidá pagada con dineru públicu enxertaben. Y fice un cálculu. Nun incluyí publicidá institucional: eses anuncies oficiales (espropiaciones, concursos públicos, contrataciones…) que l’alministración tien d’espublizar obligatoriamente nos medios de comunicación atendiendo a razones de tirada y difusión. Tampoco incluyí les anuncies de cartelera (funciones en teatros municipales, esposiciones y demás), porque pue considerase ‘serviciu públicu’ de dalguna manera. Namás calculé (por baxo más que por riba) les anuncies de mera propaganda. Esto ye: obres, proyeutos, publirreportaxes y anuncies sobre lo perbién que lo faen los gobiernos de turno. El resultáu: 105.000 euros ente LNE, El Comercio y La Voz de Asturias.
Un día normal, un día murniu, tristayu por demás, ensin munchu qu’inaugurar, gastamos 105.000 euros en anuncies. En propaganda. Un domingu, nun vos cuento lo que gastamos (porque lo gastamos toos). ¿Prensa llibre?
La rellación d’anuncies pormenarizada teneisla darréu. El cálculu ta fechu acordies coles tarifes de publicidá asoleyaes polos propios diarios (esceutu La Voz de Asturias) nes sos respeutives webs, polo que les cifres nun van a misa. Ye namás un xuegu orientativu.
LNE.
Dos páxines especiales con publicidá d’Ayuntamientos (Según edición)
Páxina 22: media páxina en blancu y negru sobre les ayudes a llibros de testu.
Páxina 31: especial sobro la fibra óptica en Llanes (Semeya de Tini).
Páxines 36 a 38: Especial Muséu de Teberga (color y semeya de Migoya).
Páxines 39 a 42: Especial sobro’l ‘parque metropolitanu del baxu Nalón’. (Dos a color).
Suplementu gastronomía: páxines 2 a 4, faldones a color de Turismu d’Asturies.
Suplementu teunoloxía: páxina 1, faldón en B/N sobre les TIC nel Principáu. Páxina 8, 10 módulos sobro la fibra óptica. Páxina 10, faldón del Ayuntamientu d’Uviéu.
Páxina 81: cuatro módulos en B/N de la TPA.
El Comercio
Páxina 5: media páxina en blancu y negru sobre les ayudes a llibros de testu.
Páxina20: faldón en B/N ‘Abierto hasta el amanecer’ en Xixón.
Páxina 21 a 24: Especial sobro’l ‘parque metropolitanu del baxu Nalón’. (Dos a color).
Páxina 26: faldón en B/N Teatru Jovellanos, Xixón.
Páxina 28: Especial sobro la Red Autonómica de Espacios Naturales Protexíos.
La Voz de Asturias
Páxina 11: media páxina en blancu y negru sobre les ayudes a llibros de testu.
Páxina 15: faldón a color del Ministeriu de Sanidá.
Páxines 23 a 26: Especial sobro’l ‘parque metropolitanu del baxu Nalón’. (Toes a color).
Especial premios ‘Lladrillos de plata’: una páxina a color del Palaciu de Congresos de Calatrava n’Uviéu.
Páxina 75: media páxina a color del Ayuntamientu de Xixón.
Páxina 83: seis módulos a color de la TPA.
Dende’l Conseyu de la Mocedá va a facese, enmarcáu na Escuela de Seronda, un Foru dedicáu exclusivamente a la Blogosfera Asturiana.
L’oxetivu ye crear un espaciu de debate d’esti soporte mediáticu onde poder analizar la importancia del blog como ferramienta de comunicación n’Asturies y un llugar pal xorrecimientu de la llingua asturiana, el so presente y futuru na rede. El foru vendrá complementáu con unes xornaes de formación nes nueves tendencies y téuniques nos blogs.
Otru foru d’interés que se va facer na escuela ye de Comunidaes Virtuales. Alministración, xestión y usu d’elles n’Asturies.
Dende’l Conseyu de la Mocedá invitásevos a que vengáis a Xixón los díes 28,29 y 30 d’Abril a estes xornaes.
Tenéis tola información na páxina de Conseyu http://www.cmpa.es .
O podéis escribime pa cualesquier consulta a emigración@cmpa.es
Espero vevos.
Un saludu.
Bones. Apúrrote un meme que me mandaron pa que continúes la cadena na comunidá blogera n’asturianu. Tiéneslo en http://vityuvieu.blogspot.com/2007/04/meme.html