Retratu d’un bocayón

Perbona la entrevista que-y fizo Xuan Bello a Fernando Lastra en Les Noticies, y de la que tuvimos conocencia nel blogue de Mundu Xaime. ¿Como daquién, trenta años depués de la muerte de Franco, pue aneciar nel discursu del ‘falar en cristiano’? ¿Cómo ye que un asturianu que quiera falar asturianu o gallego asturianu n’Asturies ye lo mesmo qu’un británicu?

Yera sabío que Fernando Lastra ye un políticu intelectualmente llimitáu, por nun dicir ermu; que fai por esconder la so probitú a base de tochaes y dalgún argumentu de solapa de llibru que-y abulta de postín. Pero na estrevista amuésase un auténticu bocayón en porrica. Bien Les Noticies. Alderique en esbilla.

2 comentarios en “Retratu d’un bocayón”

  1. A la entruga de la güela monollingües y asturfalante:

    (Lastra)-“Simplemente tien que falar en castellano.”
    (entrevistador)-¿Y si nun puede?
    (Lastra)-“Tien que poder.” (qué consideráu)

    Bien, yo teo 16 años, y los mios pas nun me deprendieron ENXAMÁS castellán. Nun ye que yo nun puea falar o espresame correutamente en castellán (manéxome meyor nél que tolos del PSOE xuntos), la cosa ye QUE NUN ME SAL DE LOS COYONES ARRENUNCIAR A LA MIO FALA. Yo quiero espresame na mio llingua llariega. Y si simplemente teo que falar en castellán, NUN ME DA POLA GANA, prefiero nun ser antendíu pola mierda d’Alministración “asturiana”. Y nun ye discriminación al castellán “simplemente ye falar n”ateo'”. Si la sociedá asturiano s’emperrare n’emplegar namái l’asturianu, l’Alministración “asturiana” tendría que reprimir a muncha xente, pero mentres seamos cuatro nun mos fadrá nengún casu.

    Por tolos que nun mos sal de los coyones “falar en cristiano” L’ASTURIANU LLINGUA OFICIAL YÁ!

  2. Home, ye lo que dicía Joaquín Aréstegui, otru que tal lastra, pero en llistu, de que si diez diputaos falaren n’asturianu na Xunta Xeneral, que nada-yos lo impide, pel momentu, otru aquel diba ser pa la llingua. Yera oficial mañana mesmo. Pero ye que eso ye una trampa… ye que-yos da igual lo que se faiga. Ya nun basta con que se fale, con que nun tea normativizada, con que haya lliteratura, porque desixen que la lliteratura seya de calidá, desixen lo que seya con tal de que nun fadies y, a la fin, fales en cristiano. Que ye lo meyor pa dir pel mundu

Responder a Pelayu Encaboxar la rempuesta

La direición de corréu electrónicu nun va espublizase. Ríquense los campos marcaos con *