Asalto al Mavi Marmara: la película

Ver el vídeu en Dailymotion

Esti ye’l tráiler de Filistin, episodiu nuevu de la serie turca Kurtlar Vadisi (Güeria de llobos) que tanto ruíu ta faciendo. La peli parte del asaltu israelín al Mavi Marmara pa desendolcar una historia d’axentes d’elite a lo James Bond o lo Chuck Norris. Maniqueísmu a esgaya y muncha acción, bombes y disparos pa enllenar les sales de cine.

El casu ye que esta serie ya foi motivu d’incidentes diplomáticos ente Turquía ya Israel. De fechu, los israelinos son los malos de la peli, y eso nun-yos gusta, nun-y gusta a naide. Pero ye que ye cine propaganda del de tola vida, del de frases mítiques a lo boina verde: ‘-A qué vienen a Israel? -¿Israel? Yo vine a Palestina’ CHANCHÁAAAN atrona la música y los guaḥes chillen y llancen palomites al aire…

Un comentariu en “Asalto al Mavi Marmara: la película”

  1. Lo prestoso d’estes películes ye que, pel contrariu que les pelis americanes de turnu, tienen un detonante persofitáu que fai la hestoria más humana. Vímoslo en Kurtlar Vadisi Iraq pola que tantu alderique hebo en so día.

Responder a GF Encaboxar la rempuesta

La direición de corréu electrónicu nun va espublizase. Ríquense los campos marcaos con *