Ayeri tuviemos en misa

terapiagrupu.jpg

Relixosamente, ayeri tuviemos nel actu convocáu pola Academia. Había que tar ellí, y tuvo bien amosar el compromisu de bona parte de la sociedá asturiana pa cola so llingua. Prestónos ver de cerca a la coraxuda presidenta y a toa una Academia de la que, cuidamos dende equí, tenemos que sentir argullu pol papel que quier y merez xugar. Tamién prestónos enforma la intervención última, la de Xosé Nel Riesgo, que munchos firmaríemos como propia. Pero decepcionónos una migayina l’actu en sí.

Nun sé si taréis d’alcuerdu en que foi llargu, pelma… dacuando paecía una sesión de terapia de grupu del tipo (Hola, soi Fulanín Fernandi y soi llinguólicu… ¡¡Hola fulanin!!…). Amás, nun sabemos si hebo dalguna persona esmolecida pol tratu a la prensa, pero diónos la impresión de que non. De fechu, la única anuncia ‘nueva’ que se fexo na ceremonia (la de la carta a ZP y Rajoy) nun se fizo pública hasta l’ultimu momentu, cuando nun quedaba ya naide de los medios de comunicación presente. Namás l’interés d’un redactor d’axencia (qu’esperó bien de tiempu hasta que se-y echó encima la hora de cierre) fizo que, per teléfonu, s’enterara del ‘titular’.

Pero en fin, sacantes d’eso, verdá ye que prestó tar ellí, y que hai que siguir… como dixo Riesgo, hai que facese visibles, enllenar l’alministración de trámites n’asturianu, salir del armariu y amosar que, de verdá, polo menos una parte importante de la sociedá asturiana ta pidiendo respetu y que se-y reconoza un derechu que ye suyu.

Un comentariu en “Ayeri tuviemos en misa”

  1. parezme bien ,,, ye comu la procesion de san bable “manifa del dia de les lletres” ye un conhazu pero hay que dir ,,,

    yo evidentemente yo mesmu nun puedo pero de vivir n’asturies taria en toes … tabalo cuanto taba

    tamien tienes tola razon , la academia nun ye campeona del marketing politicu ,,, en parte porque nun tien porque lo ser ,,, tien que ser excelente en filoloxia y puntu ,,, lo raro ye que necesite metese nestos follones ,,, pero el nuestru nun ye pais normal ,,, ye lo que hay ,,,

Responder

La direición de corréu electrónicu nun va espublizase. Ríquense los campos marcaos con *