Semeya de Tessss. Llicencia CC by-nc 2.0
Category: González y González
Aición de gracies
Queríamos davos les gracies polo del meyor blogue del añu y tal… con esti videu.
Darreu en youtube.
Gracies especialmente a Trayasgaya pola idea, y norabona al agudu Xanu y a Veritas, que tien equí unos fans.
2 añinos
Tamos de cumpleaños, güei cumplimos 2 años dende que ficimos el primer artículu en GyG, agora llevamos 231 (si puede llamase artículu poner un videu de youtube…) y esperemos que seyan munchos más y que la blogosfera asturiana siga mendrando a bon ritmu.
La verdá, ye prestosu que coincida con un fecha reivindicativa como la de güei, pal tercer añu de GyG l’unicu deséu que tenemos ye que nos toque l’Euromillón pa poder poner en marcha el plan de dominación mundial que tenemos previstu, porque la oficialidá va llegaaaarrrr…
Internéeeeeeeeeeeee
Dende va más de tres meses, mediu González y González y mediu Ta pa Ponga tuvo ensin conexón a internet, gracies al anterior proveedor France Telecom (Orange), que me dexó ensin conexón y foi incapaz de solucionalo. El casu ye que (depués de denunciar y muncha paciencia) ya tengo conexón con telefónica dende fai unos díes pero coincidió con que marchaba de vacaciones y agora toi intentando poneme al día, borrando spam y demás. Amás tengo que cacharrear col router pa poder tar complentamente operativu… pero polo menos yá tengo porno :-p
Quiero disculpame a los que nun fui a retrucar esti tiempu y especialmente a los compañeros de proyeutos que tuve que dexar de lláu, especialmente los blogs, Softastur y Uiquipedia…
Presentamos… Ximiélgame.net
González y González Webrothers tien el presto de presentavos Ximiélgame.net, un proyeutu nel que venimos trabayando dende va ya unes selmanes y que naguamos por que vos preste a toos tantu como a nosotros mos prestó desenvolvelu y ponelu a la vuesa disposición.
Como ya vos imaxinaréis la mayoría, trátase d’una adaptación de Menéame a la comunidá asturiana n’internet. Poro, ye un sitiu nel que ye esa comunidá la que vota (ximielga) les noticies y hestories que los usuarios unvíen. Va cásique too. Cualisquier noticia que seya d’interés, podéis apurrila a la comunidá al traviés de Ximiélgame. Llueu, sedrá la xente la que diga si-yos interesa, o si queda pa prau. Que vos preste.
Tamos vivos, tamos…
Si entraisteis al nuesu blog nos últimos díes habreis visto coses rares, o que nun funcionaba como debía. Esto ye porque tuvimos actualizando el software del mesmu, WordPress, pa intentar facer un sistema más amañosu (sobre tou pa nosotros). De modo que dende agora, vamos poder siguir contando tonteríes n’esti rinconín del www. Anque tol mundu sabe qu’internet ye porno.
Les coses de mesié D’Hondt
Paez que non, pero quien corta’l bacallau equí ye un paisanucu belga muertu en 1901. Mesié D’Hondt foi l’inventor d’esi sistema tan ‘perversu’ que-y quitaa los probes pa da-ylo a los ricos. En realidá, el so sistema tien como oxetivu garantizar mayoríes estables nunos sistemes parlamentarios representativos. Los partíos con más votos tienen preferencia a la hora d’asignar los escaños tres les votaciones y paez de dalguna manera bastante razonable.
La cosa ye cuando entá se-yos ponen más torgues a la entrada nun parlamentu de les minoríes. Asina, por exemplu, nel sistema electoral español un partíu nunca nun algamará un escañu, magar que-y correspondiera pola llei D’Hondt, si nun obtién un mínimu del 3% de los votos (nos parlamentos autonómicos) o el 5% nos conceyos. Esto se xustificaría pa evitar opciones ‘extremadamente minoritaries’, pero lo cierto ye que dexen fuera miles de votos naquellos parlamentos onde l’escañu ye especialmente difícil de consiguir (como ye’l caso del asturianu).
El sistema D’Hondt, d’entrada, pue paecer avegosu d’entender, pero nun ye pa tanto. Calcando equí podéis esfrutar d’un simulador d’asignación d’escaños qu’amuesa de forma clara cómo se fai’l repartu. Por exemplu, si utilizais los datos reales de les elecciones asturianes de 2003, veréis que a Uras-y hubiere correspondío un diputáu polos sos 17.552 votos, y que’l Pas quedara nun intre d’algamalu colos sos 11.376. Sicasí, como nengún d’ellos algamare’l 3% esixíu de votos, los tres partíos ‘grandes’ repartiéronse entá nada menos que CATORCE poltrones. Y ye que, con la participación de les elecciones últimes, hubieren necesitao, polo menos, 18.700 votos pa entrar na Xunta Xeneral. Casi tantos votos como lleendes urbanes.
Dalgo asemeyao yá pasara en 1999. Entós, aplicando estrictamente la llei d’Hondt hubieren entrao nel parlamento el Pas y IU tendría cuatro escaños envede los tres que-y asignaren a la fin. Sicasí, dambos fueron a sumar la mayoría absoluta del PSOE. Ye lo que hai. Agora podéis entreteneros faciendo quinieles col simulador.
El Meme, La Meme…
Ta la blogosfera asturiana enfotada en siguir la cadena del ‘meme’. A nós propúnxonos Pingarates y depués VityUvieu (Fueya en Blancu) y nun díbamos ser menos. La mio tipografía (esto nun tá consensuao polos dos webrothers) ye ‘arial’ (al otru webrother presta-y más la ‘verdana’) . Una web imprescindible: http://www.pornotube.com (namás pa mayores de 18 años) y un blog n’otra llingua http://joseangelfernandezvilla.blogspot.com (namás pa mayores de 18 años bizarros).
Agora tócanos pasa-y el recáu a otros trés blogues…
Gracies a Pingarates pola propuesta y a Lux Omnia Vincit pol analís que fai de la mesma.