Esti home ye’l ‘profesor’ que firmó la enmienda parcial que la xunta de la faculta de filoloxía de la Universidá d’Uviéu aprebó por una axustada diferencia, lo que llevó a la dimisión de la decana Ana Cano, y que supón que la llingua qu’emplegamos nesti blogue nun merez ser materia d’estudiu al mesmu nivel qu’otres llingües na universidá asturiana, nel marcu qu’ufre el nuevu espaciu europeu d’enseñances universitaries.
La pregunta ye: esti señor, que tantu sabe de perífrasis verbales nel español d’anguañu, ¿hubiere roblao la mesma enmienda si l’asturianu fuere oficial? Non, porque él (ta visto) cuida que lo meyor ye que l’asturianu tenga’l mesmu tratu que tuvieren el vascu, el catalán o el gallegu na universidá franquista, la mesma que munchos de los qu’ayer votaron la so enmienda echen de menos, y cuyu modelu se caltién en bona midida na provincia d’Uviéu.
Ayeri, quienes votaron la enmienda del ‘profesor’ Féix Fernández de Castro, qu’asina se llama, nun fucieron otra qu’apostar por esi modelu que l’Academia Francesa promueve, refugando la reconocencia de les llingües minoritaries non por criterios llingüísticos, nin siquier sociollingüísticos, sinon por meru nacionalismu, el nacionalismu qu’asocia nación y llingua (nun sé si tamién raza), el nacionalismu espansivu y uniformador que tan poco tien que ver con una institución académica.
¿Y el rector Gotor qué, otra vez campeón d’Europa? O ye que cuando-y preguntaron el día anterior y dixo aquello de qu’eso de la titulación propia pal asturianu yera otru cantar… ¿nun sabía lo que se cocía? ¿Yá ye papel moyáu lo que firmó? Paezme qu’esti home mancha, cuidadín con arimase.
Por cierto, Ana Cano, twelve points
Gárrovos prestada la imaxe. Tuvi ayeri buscándola pero nun diere con ella.
Brillante comentario!! Aunque hay que reconocer, que la foto del fulano es algo “indescriptible”… Voy a ver si te la tomo prestada, y la enmarco con un “Se busca”…
Con xente d’esti ‘calibre’ tamos aviaos!!
Home, al empar que toi dafechu d’acuerdu colo que dicís, tamién camiento qu’esti foi quien punxo per escrito lo que pensaba, pero hai otres 33 persones (según les mios noticies, esa enmienda tuvo 34 votos al favor, y supongo qu’un votu yera’l suyu) que tamién tienen tanta “culpa” como la tien él.
Faltenmos amosar al públicu asturianu enteru les cares de 33 persones responsables en bona parte del desaniciu y desprestixu llingüísticu asturianu.
Home, la semeya ser nun ye nuestra, ta sacada de la so páxina personal de Uniovi. Y sí Ricardo, tienes tola razón, hai otros 33 responsables. Pero ye que l’únicu que ‘dio la cara’ foi él.
Yo nun pienso renunciar a la mio identidá llingüística nin moveme d’esta tierra que ye la mía.