Gabineteros

Quixo’l cabréu de la redaición del informativu de La 2 qu’esta anéudota na qu’el gabineteru del ministru Corbacho amenaza a un periodista por facer una pregunta tea percorriendo l’internet, en bona midida pol ecu algamáu en diarios derechistes.

Ver el vídeu en Youtube

La cuestión ye simple: ye tan normal, tan habitual esti tipu de reaiciones, qu’al gabineteru de turnu nun-y da por escuendese, por evitar les cámares… lo avezao ye que un periodista que salte’l protocolu de “qué ye lo que vais preguntar” o “trés preguntes y non más” pase a la llista de los revoltosos. “Voi tener que comentalo con ‘fulanito’ (nome de pila del direutor o xerente del mediu)” o “Atente a les consecuencies” son frases que too gacetilleru debería sentir dacuando de los gabineteros políticos que, por demás, nun suelen atesorar más currículu y más profesionalidá que, -salvo esceiciones honroses, que les hai-, la de la fidelidá al partíu y al personaxe qu’ostenta el cargu. Prestábame saber el porcentaxe de favores pagos ente los responsables de gabinetes de les alministraciones públiques, siempre escoyíos a déu.

Y cuidáu, qu’estu nun ye padremuñu socialista… munchos n’Asturies entá recuerden el miéu que-yos daba Álvarez Cascos.

3 comentarios en “Gabineteros”

  1. Una bon exemplu de profesionalidá d’un editor d’un informativu… cualesquier otru diría… “non como vamos sacar eso”… el principal problema d’esta mierda ye l’autocensura, yera el politiquín de turnu quien tendría de tener miéu, non el plumi… pero claro si el xefe nun da la cara por el plumi mal vamos… lluéu llenanse la bocona cola pallabra “democracia”…

  2. Creo que os pasais un poco.Para todo hay un termino medio y el chiste que pusiste en mi blog se sale de madre Ni tanti n tan calvo.te digo lo mismo que al otro:hace falta un poco de sentido del humor

  3. los paises poco llibres tan condergaos a ser gobernaos por “homes providenciales” unxios ,,, llamense cascos o corbachos ,,, que pena … menos mal que comu diz dangerous piper queda xente tien el valor de saca-yos los colores ,,,

Responder

La direición de corréu electrónicu nun va espublizase.