Estes elleiciones americanes tan prestándome pola vida. Al furacán Obama xunimos agora a la vice del candidatu republicanu, que ye toa un personaxe. Nun ye namás que seya ex miss de concursu y gobernadora reaccionaria a la que se-y queda preñada la fía adolescente (¿sabrá la rapacina lo que ye un condón?, ye que, además, la señora Sarah Palin simpatizó col nacionalismu d’Alaska.
Nun tuvo afiliada al Alaskan Independence Party, namás tuvo rexistrada y participó nun congresu en 1994, pero sí que paez que so home yera un activu afiliáu. Hai dellos videos pel youtube nos que se fala de la so participación nel AIP.
El partíu ye tan raro pa nos, como tolos partíos estaunidenses en xeneral, enfotáu nun modelu de país cambiante p’Alaska (quixeron ser Canadá, llueu independizaos pero xuníos a un nuevu estau col oeste de Canada, independientes con estatus especial nos USA, miembros de la Commonwealth, ya dixebraos dafechu). Políticamente, cuenten que son un mecigayu de ‘libertarianos’ y republicanos, magar que nes elleiciones piden el votu pal ultraconservador Constitution Party. Con too y con eso, presumen de ser, en proporción, el mayor ‘third party’ de los Estaos Xuníos con 13.500 miembros.
Lo peor ye qu’esta xente tan grillao hailo pente los políticos de tolos estaos. Y tienen nes sos manes el futuru de millones de persones.
si que ye verda que estes elecciones americanes son de lo mas excitante. Los candidatos a presidentes y los candidatos a vicepresidente tienen una hestoria personal singular y extraordinaria ,,, comparolos colos funcionariones zanganos y sin imaxinacion que nos desgobiernen dende la transicion y dame pena ,,, o mas bien envidia de la democracia america y la so increible vitalida ,,,
por cierto Palin ,,, ya la quisiera yo pa presidenta del principeu ,,, el partiu republicanu d’alaska llevaba gobernando decades con poca oposicion ( de que me suena esto ) y claro neses circumstancies de monopoliu del poder ensin oposicion florecen corrupteles , clientelismos y chancullos de tou tipu ,,, llego Mrs Palin y aun siendo del mesmu partiu mando fizo lo dificil punxolos a vivir y llimpio les instituciones ,,, thumbs up poles muyeres valientes !
Pues ta bien sabelo, porque lo que llegó equi foi que precisamente los casos de corrupcion nel so estau-y afeutaben negativamente, y que amás tuvo dellos problemes por nun sé que casu d’abusu de poder pola so parte. La verdá ye que américa ye america… Y esta vez, nun se porqué, tengo cierta sensacion de que realmente hai dalgo de política na campaña americana mas allá de puestes n’escena. Quiciaves ye qu’esta vez la maquinaria demócrata ta funcionando omo un reló y ta pillando col pasu cambiáu a los republicanos. Ye una sensacion.