Felíz día a tolos mongoles

Aburríu, esperando por una collacia tardona… lleendo…

Un 29 d’avientu hai 106 años, Mongolia (Mongolia Esterior pa los chinos) declaró la so independencia, dende entós ye’l so día nacional, anque la independencia llegó en 1924 gracies a la URSS, qu’espulsó a los chinos del país que conocemos güei… Mongolia Interior sigue en manes de La China…
Por esta xebra del país en dos, con polítiques distintes, tenemos el mongol oficial na República de Mongolia, que primero intentó adoptar l’alfabetu latinu pero pola influencia rusa acabó adoptando l’alfabetu cirílicu. Mientres que na Mongolia Interior, l’idioma pasó de persiguíu pol gobiernu chinu a ser oficial, pero caltién l’alfabetu tradicional mongol xunto col sistema d’escritura del chinu simplificáu.

Rusu

Güei marchó otru PAISANU de Tresona, sí d’esos que s’escriben con mayúscules… d’esa xente que podía dicir que nun debía nada a naide (pero de verdá), un vecín del que nun sentirás a naide falar mal, nin a los contrarios políticos… comunista convencíu y militante, que nun se casaba con unes sigles. Agradecíu a la URSS onde marchó refuxáu de guaḥe de mientres la guerra civil española, ellí vivió la segunda guerra mundial y cuando pudo tornar a Asturies vivió la represión franquista. Lluchador solidariu y coherente comprometíu hasta’l final.
Munchos son los recuerdos que guardo con ciñu d’esti paisanu, vecín, amigu y referente…
Nun saldrá nos llibros d’historia, pero ye historia de Tresona.
Hasta siempre Rusu!