Nos 80 los fabricantes de videoxuegos sabíen que los guaḥes yéremos yonkis en potencia…

Nos 80 los fabricantes de videoxuegos sabíen que los guaḥes yéremos yonkis en potencia…
Pa un móvil n’asturianu compañía asturiana… Nordés Móvil
A la radio de güelu faltaba-y un botón, llegó la imprentación 3D y entamó la restauración…
Esti aparatu tien más de 20 años, y nun tien soporte oficial dende va 19, y toi acabante escaniar un documentu con el, si en cuenta d’usar sistemes privativos que fomenten la obsolescencia del hardware como Windows o MacOS, toos usaramos sistemes llibres como GNU/Linux nun sería raro tener un scanner del sieglu XX funcionando perfeutamente.
La mio tv sí que ye “smart”
Les bombilles led nun “funden” y puedes iguales (o facer una gochada como fice yo). Nesti casu los leds van en serie y como paso de soldar un led nuevu nel sitiu del que quemó (que sería lo suyo), lo pontié con estañu y pista… Menos plásticu pa cogersa y a ver lo que aguanta. Ye una bombilla de les barates y cuido que llibera mal el calor, abultame que por mor d’eso quemó el led.
Yá taba fartu de revolver el zucre como un animal!
Esi momentu nel que calques el botón y ganes a la obsolescencia… yeeeea!
Voi esplicar una idea, por si sirve pa alguien más, pa nun tener que tirar otru cable pa llevar el teléfonu de la sala a una habitación ente les que yá hai un cable de par trenzáu FTP (nun confundir col protoculu de rede “File Transfer Protocol”) o lo comunmente llamamos cable de rede.
Los cables de rede corrientes tienen 4 pares de filos, y en redes Gigabit necesitamos los 4 pares, sicasí lo normal nes redes doméstiques ye que los equipos como muncho ufran 100BASE-TX (100 Mbps) y nesti casu namás que usamos 2 pares. La idea ye usar ún de los otros dos pares pa unviar la llinia telefónica (1 par).
Como el cable ente la sala y la habitación yá ta fechu, y nun sá si dalgún día tendré equipos Gigabit, opté por facer un par de adaptadores a cada estremu.
Usaré la norma 568A
Los datos de rede viaxan pelos filos: blanco verde, verde, blanco naranxa y naranxa. Quedando llibres: blanco marrón, marrón, blanco azul y azul. Yo usaré el par d’azules pal teléfonu (los marrones queden llibres).
Anduvi a la gueta d’una fema de RJ45 aérea pero nun di con ella polo que merqué una base de superficie, con esta base un cable telefónicu (2 filos), otru de rede (8 filos, anque valnos con 4), un machu RJ11 y otru RJ45 ponémonos a ello.
Primero facemos les conexones na base de superficie cola fema pal RJ45 usando les conexones que corresponderíen al par d’azules, y depués coneutamos el cable de rede (dexando llibre el par d’azules y si queremos el de marrones, anque yo coneutelos). Pa estes conexones miraremos les indicaciones del fabricante pa identificar los pines.
Depués nel cable telefónicu crimpamos el RJ11 (los dos pines centrales) y nel de rede el RJ45 siguiendo la norma. Otra opción que valdría pa los que nun tengan crimpadora ye usar cables fechos y corta-yos una de les cabeces pa depués facer les conexones na base.
Y así ye como queda la cosa:
Repetiremos el procesu pa facer el segundu adaptador, y empatamos tolos cables como nesti esquema:
Y fechu, aforramos d’andar furando (más) paredes…
… o airbag de pescuezu (Vía Masa Crítica Asturies)