asina que la prensa provinciana d’Asturies nun va enterase…
Tranquilos! Nun ye en Madrid…
Category: Mediu ambiente
Al rodiu los trenes que nun cueyen nos túneles
El problema nun ye que les unidaes nueves tarden 4 años en llegar, ye que vamos siguir 4 años con estes… De la que xubía al tren pa dir pa casa en saliendo de trabayar crucié con dos maquinistes, un dicía al otru: “Yo con eso ansí nun voi!”… Al poco mandáronnos cambiar al tren que taba paráu nel otru andén. Si nun pasen más coses ye pol procuru que ponen los trabayadores, ta claro! (Por cierto, otra vuelta una puerta trancada)
Los trenes n’Asturies yeren más rápidos va 100 años
Los medios de comunicación siguen dando el coñazu col AVE porque interesa a los cuatro ricos subvencionaos, a FADE y a la gandaya política. Pero ente tanto ruíu tamién salen coses como estes. Los trenes que usamos el pueblu tienen trayectos igual o más llargos que va 100 años… ESTO SI YE UN DATU GRAVE, y non que los cayetanos madrilanos tarden más o menos en dir a la playa…
https://www.rtpa.es/noticias-asturias:Duracion-de-los-trayectos-de-ancho-metrico_111673606350.html
Midíes anticontaminación…
Llenden la velocidá a 90km/h na AS-19 en Xixón por mor de la mierda nel aire… Cuando la llende xenérica en carreteres de un carril pa cada sentíu ye 90km/h… Pero ye que amás el tramu de Xixón ta señalizáu con 80km/h de velocidá máxima 
La radio de mio güelu
A la radio de güelu faltaba-y un botón, llegó la imprentación 3D y entamó la restauración… 
Andanciu #4
Digo yo, que depués de 7 hores en direuto munches neurones nun me queden, pero ye evidente que van facer falta perres públiques abondo pa salir d’esto. Y al tiempu tan les cais desiertes, polo menos de la que voi a trabayar a les 6:30, y anque deberíen suspendese los pagos a eléctriques (y qu’apoquinen elles) pero nun podríen de mano les alministraciones apagar les faroles y aforrar una pasta, igual nun toes, pero casi porque mete mieu la pila de lluz que hai a eses hores pa mi solu…
Coleición de cromos
Resulta que pa poder aparcar en Xixón en 2021 vamos necesitar la pegadiella de les emisiones d’España, que nel mio caso súmase a les que ya tengo pa les ciudaes d’Alemaña y Francia… Y digo yo, que mui llistu nun soi, pero siendo les normes Euro d’emisiones un estándar pa la UE… Por qué nun saquen una pegadiella pa tola UE y nun tendríemos que andar cola coleición de cromos nel parabrises?
Trashware
Esti aparatu tien más de 20 años, y nun tien soporte oficial dende va 19, y toi acabante escaniar un documentu con el, si en cuenta d’usar sistemes privativos que fomenten la obsolescencia del hardware como Windows o MacOS, toos usaramos sistemes llibres como GNU/Linux nun sería raro tener un scanner del sieglu XX funcionando perfeutamente.
Bombilles
Les bombilles led nun “funden” y puedes iguales (o facer una gochada como fice yo). Nesti casu los leds van en serie y como paso de soldar un led nuevu nel sitiu del que quemó (que sería lo suyo), lo pontié con estañu y pista… Menos plásticu pa cogersa y a ver lo que aguanta. Ye una bombilla de les barates y cuido que llibera mal el calor, abultame que por mor d’eso quemó el led.
Trashcycle