Category: Trabayu

Andanciu #9

De la que venía a trabayar chocóme que nun me cruzara con nengún audi, bmw, mercedes, porsche cayenne nin coches de gama alta (dalgo bastante común) crucé con una furgo de reparto mercedes namás, el resto yeren coches cenciellos, mayoría seat y dacia. Lo más top yera el suv hibrido que tienen los munipes de Carreño. Paez que ye evidente que los trabayadores esenciales somos tamién los que tenemos un nivel adquisitivu más humilde… 🤔

Andanciu #4

Digo yo, que depués de 7 hores en direuto munches neurones nun me queden, pero ye evidente que van facer falta perres públiques abondo pa salir d’esto. Y al tiempu tan les cais desiertes, polo menos de la que voi a trabayar a les 6:30, y anque deberíen suspendese los pagos a eléctriques (y qu’apoquinen elles) pero nun podríen de mano les alministraciones apagar les faroles y aforrar una pasta, igual nun toes, pero casi porque mete mieu la pila de lluz que hai a eses hores pa mi solu…

Esto ye una televisión pública

Informativu de nueche na TPA, nuna televisión pública n’Europa occidental. Llega el momentu d’informar de la fuelga convocada pa esi día pol comité d’empresa pol despidu d’un compañeru de la canal y, tres d’una probe crónica sobre la movilización, el presentador vese obligáu a lleer un comunicáu de la direición. Tuse, regüélvese… y el noticieru ciárrase ensin la firma de la editora.

Calca equí p'amosar conteníu dende YouTube.
Consulta la política de privacidá de YouTube.

Abrir "Huelga en RTPA 11/03/10. Contribuye a difundirlo." direutamente

Muncha pena.

ZP insiste en encarcelar a Cándido y Morala

El Conseyu de Ministros español ta acabante de sofitar l’apueste de los sos compañeros de la FSA-IU por encarcelar a los sindicalistes Cándido y Morala. En viéspores del 75 aniversariu de Ochobre’34, la progresía d’alto standing vien incluso a agravar la medida de represión sindical y política dictada nos xulgaos de Xixón. Siguiremos sollertes.

Función pa devolver feches UNIX n’asturianu con php

Queremos compartir esta función escrita en PHP p’asturianizar feches en formatu UNIX, por si vos puede servir a los que desendolcais páxines web n’asturianu.
<?php
function fecha_nast($amosar_dia_selmana=1, $fechaunix="none"){
//si nun damos fecha unix usamos la d'anguaño
if ($fechaunix == "none"){$fechaunix = time();}

$dia_selmana = date(w, $fechaunix);
$dia_mes = date(j, $fechaunix);
$mes = date(n, $fechaunix);
$anu = date(Y, $fechaunix);

//dies de la selmana en humanu
$dia_selmana_humanu = array("domingu", "llunes", "martes", "mi&eacute;rcoles", "xueves", "vienres", "s&aacute;badu");

//meses en humanu
$mes_humanu = array(1=>"de xineru", "de febreru", "de marzu", "d'abril", "de mayu", "de xunu", "de xunetu", "d'agostu", "de setiembre", "d'ochobre", "de payares", "d'avientu");

//montamos la fecha
if ($amosar_dia_selmana == 0){$fecha_nast = $dia_mes." ".$mes_humanu[$mes]." de ".$anu;}
else{$fecha_nast = $dia_selmana_humanu[$dia_selmana].", ".$dia_mes." ".$mes_humanu[$mes]." de ".$anu;}

return $fecha_nast;
}
?>
Cuido que el códigu ye enforma cenciellu, pero por si acasu esplico como usalo:

-Si queremos amosar la fecha d’anguaño amosando’l día de la selmana:
<?php echo fecha_nast(); ?>
-Si queremos amosar la fecha d’anguaño pero que nun salga el día de la selmana
<?php echo fecha_nast(0); ?>
-Si queremos amosar una fecha UNIX distinta a la d’anguaño amosando’l día de la selmana
<?php echo fecha_nart(1, 1234567890); ?>
(onde “1234567890” ye la fecha UNIX y “1” indica que queremos amosar el día de la selmana en casu contrariu pondremos “0”)
Esperamos que vos sirva.

Confirmáu, Asturies ye miope

steve-01

O eso, o ye que los señores de la clínica oftalmolóxica ‘de los Vega’ tienen los reclinatorios más encontradizos del país. D’otra manera nun s’entiende que l’ampliación del negociu d’esos señores abra güei la estaya de ‘Sociedad y Cultura!!’ de LNE. O que tea na portada del web de La Voz de Asturias. Porque, en verdá vos digo, empreses que dicen qu’invierten 6 millones d’euros y nes que trabayen 35 persones (otra cosa ye que tean toes contrataes, en condiciones y tal…) hai bien d’elles, ensin que-yos faigan reverencies na prensa uvieína.

Pero, de toles maneres, ¿nun sedrá too esto un intentu de facer creer a los llectores, a los que se tomen por bobinos, que esto de la clínica ‘de los Vega’ ye semeyante copón que faga necesario que vengan los reis d’España a inaugurar les nueves oficines?

Por cierto, pal que nun s’enterara, va haber actos n’Uviéu güei y mañana, entamaos pol Ensame República Asturiana pa quien quiera dicir qu’Asturies nun quier rei.  Vía: Fueya en blanco.