A mi nun me mires… Yo voté por weibo…
Caxigalines
Prioridá de Renfe… Marafundiar perres
Lleven un mes anulando la metá los trenes del Carreño…
Nun hai trenes porque tan quitando los colores de Feve y poniendo pegadielles colos colores de Renfe… 🙈
Grandes idees
Que pa dir de Barcelona a Asturies o de Bilbao a Galicia tengas que dir por Madrid ye una gran idea, así si dalgún chifláu quier tirase a les víes na capital del reinu queden torgaos tolos viaxeros y non solo los madrileños…
Trenes magos
Los reis magos lleguen a Candás en tren…
¿Sabéis cuál garren? Porque como son magos llegará puntual ¿Non?
Al rodiu los trenes que nun cueyen nos túneles
El problema nun ye que les unidaes nueves tarden 4 años en llegar, ye que vamos siguir 4 años con estes… De la que xubía al tren pa dir pa casa en saliendo de trabayar crucié con dos maquinistes, un dicía al otru: “Yo con eso ansí nun voi!”… Al poco mandáronnos cambiar al tren que taba paráu nel otru andén. Si nun pasen más coses ye pol procuru que ponen los trabayadores, ta claro! (Por cierto, otra vuelta una puerta trancada)
Gallego
Güei en Xixón había un cartel na estrada nuna de les dos llingües propies d’Asturies, cuido que nun va durar muncho…
La xenofobia rescampla na prensa
¿Por qué los medios españoles venden con alarmismu que los nuesos vecinos portugueses crucien la frontera pa echar gasoil o gasolina más barata que nel so estáu? ¿Por qué nun gorguten cuando lo faen los que viven nel estáu francés? ¿O cuando lo facíemos los que tenemos ciudadanía española cuando taba más barato en Portugal? Ye más en TVE acaba soltar la presentadora, lliteral: “Lo de Francia es necesidad, pero lo de Portugal es picaresca”
¿Soi l’únicu que siente un tufu xenófobu, tan propiu del nacionalismu español, nestos medios?
Talgo
Talgo, amás de les sigles de “Tren Articulado Ligero Goicoechea Oriol”, en seto (faláu en Rusia y Estonia) ye “abeya obrera”
Cosmen rulez!
Agora resulta que yá nun hai tren de Xixón p’Avilés a les 22:34, l’últimu a les 21:55 (el de les 23 muerre en Candás)
Midíes anticontaminación…
Llenden la velocidá a 90km/h na AS-19 en Xixón por mor de la mierda nel aire… Cuando la llende xenérica en carreteres de un carril pa cada sentíu ye 90km/h… Pero ye que amás el tramu de Xixón ta señalizáu con 80km/h de velocidá máxima 