Radio Sele

sele.gif Nel coche tengo programao Radio Sele nel númberu tres del autorradio. Ente Radio Asturias y Radio 3. Suelo sentila cuando voi pela ‘Y’ y munches veces pienso nel enfotu que-y vienen poniendo dende va tantu tiempu Xuanxu Mariño, Meli Fernández, y tola xente que colabora con ellos. Dende Xulio Vixil a Xaviel Vilareyo. Enforma Sacabera, les retresmisiones del Uviéu (un fútbol nun me da más, pero faenlo perguapo)…

Pa mín, sentir Radio Sele ye como un recordatoriu de que ye posible, de que la llingua de nueso tien que tener futuru. Porque sí, por constancia, pol enfotu de los sos falantes. Radio Sele ye un recordatoriu de que tamos ehí 24 hores al día los 365 díes del año, anque seya al traviés del discu duru nel que Xuanxo y Neli programen hores de radio fórmula.

Radio Sele ye, coles sos limitaciones, un exemplu en munchos sentíos. Y quería reconocé-yoslo, como oyente fiel. Porque cuesta munchu siguir ehí, con tolo que pasó, y con tolo que pasa. Dalgúa día, Radio Sele tamién sedrá oficial, anque seya por mor de años de pleitu.

4 comentarios en “Radio Sele”

  1. Les limitaciones que señales son bien gordes… yo de 15 veces que prendo Radio Sele (na rede, eso sí) 14 tán con música y cuñes pre-fabricaes.. prestaríame collaborar, tendríemos que collaborar los demás…

    Por qué si somos tantos (porque somos dellos miles) nun tenemos la capacidá de tar emitiendo n’ast 14 hores al día? A la fin, nesta situación, lo qu’importa nun ye la calidá (o importa lo xusto) sinón la cantidá… (la calidá entamaría a importar nel momentu en que los horarios tuvieren completos)

  2. Yo tamién los siento, tamién-yos doi la norabona por siguir ehí con enfotu, y tamién collaboraría con ellos prestosamente y de baldre.

    Cuido que la emisión per internet tien que ser gran parte del futuru d’esta emisora, yo préndola perequí abondes vegaes. Por ciertu, que si nun la sentís a estes hores, tolos díes tienen la meyor programación a eso de les 21:00-21:30

    http://www.radiosele.net

Responder

La direición de corréu electrónicu nun va espublizase.