Alloriante conciertu en Pyongyang

Posiblemente, esti ye ún de los más pavorosos videos que cuerren pel youtube. Ye un conciertu del grupu surcoreanu ‘Shinhwa’ en Pyongyang, cuido que nun d’esos festivales de xermandía coreana empobinaos dende va unos cinco años polos gobiernos del Norte y el Sur de Corea, col enfotu inicial d’averar postures y, al tiempu, permitir restrinxíos realcuentros ente families separtaes dende la guerra entrambos llaos del paralelu 38.

El caso ye que dende entós sucédense, pesie a les tensiones y distensiones, eventos d’intercambiu baxo’l lema d’una corea xunía (al fondu l’escenariu relluma la silueta la península). Sicasí, como s’amuesa nel videu, la distancia entrambes corees ye entá abismal.

https://www.youtube.com/watch?v=QM1avYwLC6I

2 comentarios en “Alloriante conciertu en Pyongyang”

  1. Impresionante. los caretos de la peña que saquen en recursos amuesen el aislamientu total del país norcoreanu. Normal que queden ablucaos al ver a un grupu de lloques dando vueltes y ximielgandose como histériques mientres canten al más puru estilu Cartman.

  2. En Pyongyang sí que saben facer les coses. Esi ye’l públicu perfeutu pa la TPA. Nin pites fadiando a les autoridaes, nin xente echando la llingua a pacer. Namás tar, mirar y aplaudir. Ornia y Tini teníen de preparar un viaxe pa vese con Kim Jong Il y ufierta-y una socontrata.

Responder

La direición de corréu electrónicu nun va espublizase. Ríquense los campos marcaos con *