Dizlo güei La Voz de Asturias, en pequeñu, pero lo diz. Un 40% de los empresarios y altos cargos empresariales asturianos namái tienen el graduáu escolar. El porcentaxe ye el doble de la media de la UE (que ta na redolada del 20%) según l’estudiu que cita el diariu uvieín.
Un datu asina faltábamos pa desplicanos bien de coses. Y tendría de servir tamién pa rediseñar dafechu la política económica asturiana. Cierto ye que nel 60% restante de los empresarios y altos cargos asturianos tien d’haber llicenciaos, xente preparao que s’esmolez pol bon desenvolvimientu de l’actividá de la empresa y demás… pero tamién habrá los que nin siquier tienen el graduáu escolar.
Exemplos d’altos cargos analfabetos funcionales hailos a embute. Xente qu’heredó una empresa, y que cuenta que ser empresario ye dir de fartura, ser del PP, xugar al golf colos del PSOE, vivir en Somió, tener querida, celebrar los contratos en puticlús y dir al ‘cocktail’ posterior a la entrega de los premios Príncipe.
Pa esi amplísimu (polo que diz la estadística) sector de burrinos dirixentes, el IDEPA bien podría diseñar dalguna estratexa específica, más que nada porque ¿cómo-y vas a desplicar a ún d’esos que tien qu’exportar, apostar pol diseñu y ser creativu, cuando nun sabe situar a Xapón nel mapa?
Y lluéu dirán que son lleendes urbanes.
Coimes, agora lo entiendo too.
¿Y esto otro?: El trabajador asturiano es un 9% más barato que en el año 2000 [http://www.lavozdeasturias.es/noticias/noticia.asp?pkid=351932]
pero date cuenta que la gran mayoria de empresarios ( en numeru ) van ser empresarios de la microempresa eg- taller de coches , chigre de la esquinuca , chollista que tien un aprendiz ,, tampoco yos vas pidir que tengan un master del ESADE.
De toes formes n’asturies nun hay clas empresarial , puede haber un numerin de empresarios meritorios pero la mayoria xateros o sacamanteques politicos (vividores de la teta del dineru publicu ) .
Sí, pero tamién una bona parte de los que tienen masters, van a cursos y s’esmolecen por ser profesionales na empresa son tamién responsables de microempreses, que opten por esi autoempléu que venden como la panacea pero que nun ye más qu’un salvavides. A lo que voi ye que, nun ye que nun haya una clas empresarial como dices, que nun la hai, sino que datos reflexen una realidá, que nun ye otra que quien caltién el tetu ye esi ‘stablishment’ heredáu del franquismu (nun lo digo yo, dixolo hasta Romano Prodi nuna entrevista falando d’España) que lo formen una especie de ‘societé’ empresarial, funcionarial y política avezaos a amoldase a los cambeos de matiz nel color políticu dominante… qu’acombayaron col franquismu, lluéu nel sociaterismu, y colo que se-yos ponga por delante. Eso, dicía Prodi, nun pasa n’Italia, y ye un mou qu’el tenía de desplicar la tópica inestabilidá italiana.