D’equí a unes selmanes, pal 7 de xunu paezme que ye, vamos tener les eleiciones más bobes del calendariu. Eses nes que se trata d’escoyer a les vieyes glories del PSOE y del PP que van vivir un retiru coyonudu a cuenta del Parlamentu Européu. Hailos que ya entamaron güei la precampaña y fainlo escolingando n’internet videos como esti.
http://www.youtube.com/watch?v=KhcXZt2fpwAN’Asturies la precampaña entamó col vetu del BNG a que la UNA forme parte de la coalición ‘Europa de los pueblos’ pol fechu de ser un partíu asturianu. Como la mera esistencia d’Asturies fai rescamplar lo feble de la historigrafía nacionalista galllega, pues a ḥodese. En fin, too esto ¿sedrá porque Galicia ye un país que hasta que descubrió’l contrabando de farlopa nun esportaba más que fame? ¿O sedrá polo que diz Vicente García Oliva? Al final, nun hai otra: complexu de nuevu ricu. Y pela parte nuestra: una migayina de resentimientu y envidia, por qué negalo.
Actualización Primera: Digo mal cuando digo qu’equí n’Asturies la precampaña empezó colo de la UNA y el BNG. Lo cierto ye qu’entamo bastante enantes, coles discusiones sobre’l retiru o non d’Ovidio Sánchez nel Parlamentu Europeu, y sobre la presencia de socialistes na llista del PSOE. Y sí, bien ceo anunciaron que l’ex rexonalista Masip va repitir poltrona col númberu 17 de la llista socialista. Lluéu, Izquierda Unida anunciónos que l’asturiana Marta Pulgar diba nel númberu trés de la so formación.
Actualización Segunda: Cuenten n’Asturnews qu’Andecha diz que de vetaos nada, qu’ellos son socios d’Europa de los Pueblos y que puede qu’el BNG-yos permita a ellos dir na candidatura. ¿Dalguien puede aclarar too esto? ¿Pue dar el nacionalismu asturianu más pena y dolor? ¿Sedrá qu’empiezo a entender al BNG?
Lo d’Andecha astur que da Asturnews ye un Espediente X. Ta copiao d’Infoasturies porque ye una información que nun sal nin na páxina oficial d’Andecha. Tamién ye raro qu’Asturnews nun dea la noticia de que la UNA foi escluyida pol BNG cuando salió hasta n’Europa Press.
La cuestión ye que la selmana pasada, el miércoles, firmóse la coalición ente los sos componentes, UNA quedó fuera al entrar el BNG, y Andecha quedó fuera primero porque la Executiva que vien usando eses sigles ta illegalizada por un xuez según dio Europa Press, que supongo que nun lo inventaríen.
El vienres a les 12 de la nueche acabó’l plazu pa rexistrar coaliciones na Xunta Electoral. Los componentes son ERC, BNG, CHA, EA, Aralar, Entesa per Mallorca y Los Verdes-Confederación Verde según salió en tolos medios y en toles webs de los componentes.
Qu’Andecha diga que ta dientro ye un poco friker, anque habría que ver si de verdá lo diz o ye daqué que daquien metio n’Infoasturies pola so cuenta y que “recoyó” Asturnews.
P.D: El vídeo ta prestosu
tan llocos estos kelto-suevos ,,,
Nuevu blogue d’opinión: http://aldericando.nireblog.com/ Cada selmana un tema nuevu ¡Participa!