Dende que entamamos col blogue siempres vi que yeramos cuatru frikis los que escribiamos n’internet, pero nun se si ye sensación mia o ye que cada vez hai más blogs n’asturianu. Y digo que igual ye sensación mia porque nun me paro en munchos blogues, y más de la metá nun los conozo. Esto veolo como una bona siñal, ya que dexamos de ser frikis pa ser una comunidá curiosina. Y ye que acabo topame con un blogue pa xente gocho n’asturianu… (mayores d’edá)
A mi paezme que medra y que medra la visualización d’estos blogues (la canal blogues d’asturies.com paezme un perbon aciertu).
Dende va tiempu, una de les coses que llevo faciendo ye usar technorati pa echar un ueyu a los blogues n’asturiano y poco a poco la cosa va medrando, ampliando temátiques, … usando la llingua con normalidá. Tovía ye mui probe too, pero somos un país probe.
Hasta hai bien poco yeren mui pocos los blogues n’asturiano, y yeren casi que monotemáticos (llingua, lliteratura, antifsa, y poca cosa más).
Lo que siempres hebo muncho foi n’amestao (nos blogues de msn y fotoblogues).
Nun hai muncho falaba d’ello con conocíos gallegos, y ellos dicíen que l’españíu del blogomillo foi asina, al principiu cuatro y de sópitu entamaron a apaecer como setes.
Yo lo qu’echo de menos ye más xente, como vosotros, que tire de la parte técnica con cosines como los motores de búsqueda, … eses coses que vayan ayudando a los usuarios.
Y sobre esi blogue qu’atopasti: internet ye pal porno 😀
Un saludu.
Paezme que’l pingarateru da na diana cuando diz que lo que medra ye la visualización. La canal blogues d’asturies.com ya se convirtió nel link dende’l que más xente entra al nuesu blogue. ¿Imaxinais que pasaría si hubiera un programa na tpa sobre la blogosfera n’ast? pues que’l numberu de blogues triplicaríase nun mes de xuru. La visualización ye lo mesmo que la publicidá y los productos véndense meyor con publicidá. Ye casi impensable qu’esista esti tipu de programa na tpa, pero ¿en radio sele?, ¿n’otru sitiu más factible?. Ya tenemos Esbilla y la canal blogues, ¿Cuál ye’l siguiente pasu? ¿Cuantes persones n’asturies lu puen dar?
El siguiente pasu Trayasgaya ye que dalguién se pueda profesionalizar. Un blogueru/a n’asturiano que pueda vivir de lo que xenere’l so blogue (o blogues).
Unos gallegos tan intentándolo con Trebellos.com pero … ye mui fastidiao.
Si nel casu gallegu ye complicao que vamos dicir del asturianu: tres veces menos población (ensin entrar a falar de falantes o non falantes), ensin los Ads de Google sirviendo publicidá na llingua de los conteníos, …