Seyamos claros (y perdón poles groseríes): ¡Toi hasta la polla de sentir el problema de los miluristes!. ¿quién inventó esi términu? ¿yo qué soi? ¿nun existo nesta sociedá?. Y ye que yo soi d’esos que suañan con llegar a los 1.000€ mensuales…
Nun toi xustificando la situación salarial, pero peme que hai muncha xente que pon el gritu nel cielu por que nun lleguen a los 1.200 € cuando otros, y non pocos, malapenes superamos los 600.
Y el problema ye más profundu de lo que nun primer momentu paez, yá que tien muncho que ver coles “necesidaes” de consumu que mos creen les grandes multinacionales y los gobiernos. Y ye triste, pero paez que la meta de toa persona ye comprase el pisu más grande y céntricu posible, tener el coche más tunning del momentu y con tolos extres, tener tolos cacharrinos tecnolóxicos posibles, y la moza coles tetes enllenes de plásticu. Claro dende esta perspectiva 1.000 € nun dan pa nada.
Otru asuntu ye qu’esti términu ta importáu, vamos que bien de zones onde el que menos gana ronda los 1.000 €uros y onde ser mileurista ye comparable con los del 600 n’Asturies (y nun falo de coches), pero los medios acomodense a pallabres que suenen “cool” y faciliten el trabayu. Pienso que falar de mileuristes ye desconocer la realidá asturiana…
Ye parte del cinismu estructural que s’afitó nos años últimos. Compra, gasta, y sobrevive, que demientres nun haya un exércitu de homeless con títulu peles cais, nun hai problema. N’Asturies, onde’l prexubileríu ye la tónica, un mileurista ye un afortunáu. Los periódicos asturianos falen del fenómeno con tol cinismu (si miraren pa dientro casa…) y naide nun diz nada. El PP, IU, la URAS, toos yá afitaron nel so dicursu el royu de les ‘leyendes urbanes’ pa presentase como alternativa al ‘desaprensivu’ de Tini, pero ensin afrontar daveres la causa de ese leyendes: y que ye precisamente de lo que tas falando. ¿Quién tien la culpa? Al gobiernín-y va bien la cosa, el prexubileríu funciona, y si colen 19.000 mozos añalmente, ye dalgo qu’entá pue alministrar. Y la xente nin regurguta: el palu y la cenahoria, agora cobres 600 eurucos, pero tranqui ho, que tú vales munchu y dica poco vas algamar los 800, entós va ser la rehostia. Y aguantes, o te pires. Y asina siempre. ¿Ye lo que hai? Diba siendo hora de mover poltrones y ufiertar alternatives. Por eso quiero que me toquen los euromillones. 😉