¿Alcordáisvos de la campaña Doi la Cara pola Oficialidá? 10.000 persones (dalgunes bien conocíes) molestáronse en imprentar un cartelín facese una semeya amosándolu y unvialu per corréu (nós tuvimos faciendo el friqui de la manera), foi en 2008, nel añu nel que nacíen los primeros smartphones… Paez que güei ye noticia que Vox recoyera firmes en Xixón escontra la oficialidá del asturianu (deben tener ya 5.000.000 de firmes) 
El videu que vien darréu ye una conferencia de Juan Carlos Moreno Cabrera, llingüista y Catedráticu de la Universidá Autónoma de Madrid, onde desmonta tolos mitos qu’usa el nacionalismu español pa imponer el español como llingua de tolos españoles y desprestixar al restu de llingües del Estáu. Esplica tamién como gracies al colonialismu y al etnocidíu estes propuestes, que califica como “franquistes”, el nacionalismu español (y otros nacionalismos llingüísticos) intenta imponer les sos tesis. Y esmolezse pola normalidá que tienen estos pensamientos na sociedá, politica y nos “medios de comunicación” españoles.