Sí, tamos mui pesaos coles bicis… diónos per ehí… pero estos dos videoclips (del mesmu autor) tenien de tar en GyG…
Tornó’l eurodance dando pedalaes…
Y l’himnu antifixie, que personalmente soscribu, entiendo la so utilidá pa facer el piḥo y que son mui cools… pero pa moveme pela cai… una bona bici urbana ye más práctica…
Xera ta acabante de sacar el segundu videuclip del discu Tierra. Les imáxenes de direutu grabaronse nel conciertu de presentación del discu nel Teatru de La Laboral, les proyecciones usaes nel conciertu (y incluíes nel videu) grabaronse al rodiu del Texu de Bermiego (Quiros).
Va tiempu que nun anovamos muncho el blogue… y güei nun ye que tenga ganes d’escribir pero prestome esti videu del chinu 崔健 y dexolu equí…
Cuido que la música d’esti prestosu videoxuegu, col que mate hores y hores de guaḥe y non tan guaḥe, ye de les que más versiones tienen pela rede. Y hasta va pocu tenia como favorita la percusión d’Andrea Vadrucci (aka Vadrum). Pero el compañeru Render unvióme un corréu col enllaz a otra versión bien prestosa d’Adrian Holovaty.
Yo nun se con cuála quedar, cada una tien lo suyo y son bien estremaes. Dexovos les dos pa que decidais…
Vadrum:
Sigui lleendo Super Mario Bros. 2 y la so musiquina
De la ciudá minera de Trbovlje, en Eslovenia, vien Laibach. Grupu que nació en 1980 como asociación cultural.
Utilicen la música industrial pa ridiculizar cualesquier réxime políticu, dende’l nazismu a la democracia, pasando pol comunismu que cesuraba les sos “performance”. Critiquen la falta de llibertá de los ciudadanos y les manipulaciones de los medios…
Equí vos dexo el videu “Tanz mit Laibach” (bailla con Laibach)… que vos preste…
A los GyG siempre llamónos l’atención tolo tocante a la cultura hip-hop, podemos quedanos embobaos mirando el graffiti que dexó’l vecín nuna muria del parque, o soltar rabia coles lletres de los raperos de les cuenques. Esto nun quier dicir que teamos dientru o relacionaos con esti mundu, porque anque los nuesos pantalones seyan “king size”, nun mos queden amplios precisamente.
Una de les coses más llamatives, polo menos pa mi, ye que toes estes formes d’espresión o como lo querais llamar puedes atopales en cualesquier rincón. Yá nel casu de rap, dame la sensación de que munches de les bases utilizaes son mui primaries, más cercanes a los ritmos de músiques tradicionales que cualesquier otru estilu. Nun toi seguru de que seya así, ye una rempuesta fácil y rápida que ocurreseme depués de dar con raperos en cualesquier continente, con distintes circustancies, inquietúes y medios. De la rabia palestina al “perreo” en “Puelto Rico” o del frio groenlandes a la pobreza del Saḥara mauritanu.
Con el videu que vien darréu facemos una vuelta al mundu en 8 minutos de rimes… entamando polos negros americanos qu’entamaron esto…
Anque solemos falar de música nunca falemos de Xera, algo que podría ser raru pa nos tratándose d’un grupu que usa llicencies Creative Commons y que amás ye asturianu, la razón ye que un de los GyG ta mui vinculáu a esti grupu y ye dificil falar de música cuando l’asocies a vivencies, momentos mui guapos (y mui duros, que tamién los hai).
Pos güei falamos de Xera porque tan acabantes d’asoleyar el so primer videu musical, “L’Anduriña”. Ye un adelantu de lo que será’l so segundu discu “Tierra”. L’Anduriña ye la historia, real, d’un naufraxíu cuntada por un home de Lloza, que como muncha xente de la mar arriesgaba la vida pa comer.
Ye un videu realizáu con un presupuestu de 40 €, y como tolo de Xera, fechu dende casa con muches ganes y pocos medios.
Pa mi ye un presto ver como la xente ye capaz de buscar alternatives a los modelos de trabayu establecios, y que traten la música con tantu respetu y cariño. Pero meyor sentilu vosotros mesmos…
Puedes baxar el videu en dellos formatos dende la web de Xera.
