A los GyG siempre llamónos l’atención tolo tocante a la cultura hip-hop, podemos quedanos embobaos mirando el graffiti que dexó’l vecín nuna muria del parque, o soltar rabia coles lletres de los raperos de les cuenques. Esto nun quier dicir que teamos dientru o relacionaos con esti mundu, porque anque los nuesos pantalones seyan “king size”, nun mos queden amplios precisamente.
Una de les coses más llamatives, polo menos pa mi, ye que toes estes formes d’espresión o como lo querais llamar puedes atopales en cualesquier rincón. Yá nel casu de rap, dame la sensación de que munches de les bases utilizaes son mui primaries, más cercanes a los ritmos de músiques tradicionales que cualesquier otru estilu. Nun toi seguru de que seya así, ye una rempuesta fácil y rápida que ocurreseme depués de dar con raperos en cualesquier continente, con distintes circustancies, inquietúes y medios. De la rabia palestina al “perreo” en “Puelto Rico” o del frio groenlandes a la pobreza del Saḥara mauritanu.
Con el videu que vien darréu facemos una vuelta al mundu en 8 minutos de rimes… entamando polos negros americanos qu’entamaron esto…
ta muy bien el videu ,,, yes una productora compuesta d’un paisano solu … !
So ye digo la verda yo lo del rap fuera del contextu afroamericanu veolo un poco fake ,,, si te digo la verda a mi Dark La Eme nun dexa de recordame a Ali-G
http://www.youtube.com/watch?v=eRv6ieZK1WU
Se nota la calidá del broder, los mios vídeos nun tienen la mesma ‘factura’ ḥeḥe. Pero ye que lo del fake, tamién lo pensaba, pero non. El rap paezme que ye muncho más maleable que’l rock nesi sen. Lo aguanta too. Caún lo adapta y failo suyo con ritmos, soníos y formes de cuntar propies de la so cultura musical. Ehí ta Dark la eme faciendo bases y loops con folkies, vaques y tonada, o La Excepción, tan de barriu, tan poco fake.