Category: Frikaes

Concursu de maquetes

Ultimes noticies. Según diz Asturies.com, el discu de Tini sal con una ablucante tirada de 55.000 copies, lo que de xuru ye una de las más bultables del ponorama musical asturianu. La pena ye que tala tirada vaya acompañada d’una portada tristaya por demás. Asina que, dende equí, queremos apurrir el nuesu granín d’arena a la carrera musical del presidente. Encamentámosvos a facer la portada más prestosa. Nos entamamos con esta, un puquiñín penosa y poco currada, cierto ye, pero que ye un entamu. Podéis facenos llegar un mensax priváu cola imaxe, o colgala perende y apurrir la dirección. Too ye por sofitar una carrera discográfica nueva, Tini ta empezando, y merez tol apoyu, ¿que no?Disco Tini

Nun pude resistime y yo tamién fice otra…

Tini África

Cristo vive (en Brasil)

 

Nestos tiempos nos que l’Arzobispu d’Uviéu llama a sínodo, atopámonos con que Cristo vive en Brasil y faise llamar Inri Cristo. La reencarnación del Mesías (diz que él mesmu se lo tien creyíu) yá ye una estrella televisiva con miles de seguidores (dellos porque-y creen, dellos porque s’escarcaxen a cada vegada que sal na tele). El caso ye que pel youtube ya cuerren bien de videos coles sos apariciones, los sos sermones. Hasta un milagru que pues ver darréu.

Sigui lleendo Cristo vive (en Brasil)

Los usuarios de Linux la tenemos más gorda

Y nun lo digo yo, dizlo l’institutu Kinsey, dedicáu a estudios alrodiu de costumes sexuales.

Ye una noticia vieya (l’estudiu salió en setiembre) pero llamóme l’atención polo absurdu.

L’estudiu en cuestión comparaba durante seis meses usuarios de Window$ y GNU/Linux (nun diz de MacOsX un res) y demostró que l’usuariu mediu de Linux tien un centímetru más de diametru nel so pene que l’usuariu mediu de Windows.

Según el direutor del proyeutu esto puede ser consecuencia de que l’usuariu de Linux, polo xeneral, echa más hores delantre l’ordenador qu’el de Windows y que la radiación del monitor podría tar nel orixe d’esti aumento de grosor.

De secute salieron teoríes na rede de porqué esta diferencia, hai quien diz que ye consecuencia de qu’hai mui poques usuaries de Linux, aspeutu que nun tien en cuenta’l fechu de que l’estudiu namás foi fechu ente homes.

Otros atribuyen l’aumentu a la seguridá de Linux, esta seguridá fae que l’usuariu de Linux entre ensin mieos en tou tipu de páxines porno pa saciar les sos ansies onanistes y que, de tantu trabayar los músculos del pene, esti medra enforma.

Ubuntu

Captura d’Ubuntu Linux 6.10 (el mio ordenador)

Esi asturiano!!

ASTURIANO

Siempre me prestó a esgaya la llucha llibre circense, fui un fan de Pressing Catch y prestaríame enforma dir a los combates de Rey Misterio y el irlandés del maquelele de la WWE en Madrid y Barcelona. Pero toi acabante de descubrir al mio nuevu ídolu de la llucha: Asturiano. Ye un maestru coles llaves acrobátiques como vais poder ver na esbilla de videos que vien darréu.

Sigui lleendo Esi asturiano!!

TeleCaspón

Llegó’l Nadal, y toos tamos felices y enllenos d’ilusión porque vamos gastanos el nuesu salariu (y más) nos grandes centros comerciales que pueblan España. Y por supuesto la tele, fiel reflexu de la sociedá na que enxamas viviremos, llenase de folclóriques, y tou tipu de cantantes casposos que diviertennos con villancicos tradicionales de Castiella y Andalucía. Pos bien de toos esos cantantes güei presentovos al más prestosu. A esfrutalo…

Ver el vídeu en Youtube

Xornaes gastronómiques nel Burger King, yá!!!

Nun sé yo que-yos fizo’l Burger King a les autoridaes sanitaries. Primero que nun-yos prestaba l’anunciu de los menús XXL (los más prestosos). Agora van y quieren censurar el nuevu anunciu de la Doble Whoper. Coime, yá valió. ¿Qué ye, acaso nun ye enforma más dañible xintar en bien dellos bares? ¿Acaso investigaron dacuando cómo yera la pita cola que fixeron el caldu en los fediondos chigres de perende? Yá ta bien de ministerios amerengaos! A esti pasu vamos tener qu’entruga-yos a los politiquinos qué fumar, qué beber y au xintar. Esta fin de selmana diba dir a Villamanín de xornaes gastronómiques, pero paezme que enantes pasaré pel Autoking del parque principáu pol entremés. El que nun quiera siguime, que faiga dieta:

https://www.youtube.com/watch?v=8uvOQj5AAAI

La Bababumba

Si Molvanîa cunta colos éxitos de Zlad “Elektronik Supersonik” y “I am the Anti-Pope” y el país asiáticu Phaic Tӑn cola serie televisiva Hospital of the Hearts, del país cientruamericánu San Sombrèro vien Juan Suavez y su ¡¡BABABUMBA!!… toos a mover el culu…

Calca equí p’amosar conteníu dende YouTube.
Consulta la política de privacidá de YouTube.

Abrir "La Bababumba" direutamente

Ranking asturianu nel internet

Una ferramienta más d’ese pa perder el tiempu nel Internet ye’l buscador Alexa. Busques un web y te diz qué llugar ocupa nel ránking mundial del Internet. Dexé de buscar al devalu y acabé faciendo una clasificación de los sitios asturianos allugaos ente’l millón más visto de la rede. Salen alrodiu d’una ventena. Equí los tenéis:

Sigui lleendo Ranking asturianu nel internet

Arguyu billingüe (Somos chinos ¿non? #1)

Pailin Rattanasangsatian (WhaWha), y Supachaya Lattisophonkul (Bell) son les ‘China Dolls’, una pareya vocal tailandesa pa teenagers asiáticos que fai de la so condición billingüe un elementu pal ésitu. El so primer bombazu foi’l cantar en tailandés Muay Ni Kha (Soi china), nel que facíen gala de la so condición de minoría étnica (magar que privilexada) en Tailandia, y que depués foi tornáu al mandarín.  Nos sos discos amiesten cantares en mandarín y en tailandés, lo que-yos fexo ser abondo conocíes en China, Singapur o Malasia.

Calca equí p’amosar conteníu dende YouTube.
Consulta la política de privacidá de YouTube.

Abrir "หมวยนี่คะ – China Dolls【OFFICIAL MV】" direutamente