Calca equí p'amosar conteníu dende YouTube.
Consulta la política de privacidá de YouTube.
Category: Conocimientu llibre
Rein, Occidente
Toi acabante de baxame del Jamendo esti discu de Rein, grupu italianu fundáu nos 90 que faen ‘patchanka d’autor’, que son ‘fíos de la globalización’ (dicen ellos). La verdá que ye un mecíu de folk, ska, rock perprestosu. Bien grabáu y presentáu y divertíu, “pa sentir una y otra vuelta”, como diz ún de los comentarios nel espaciu del grupu nel Jamendo. Ta asoleyáu embaxo llicencia Creative Commons depués de que’l grupu decidiera dase de baxa de la SGAE italiana. ‘Occidente’ ye un doble discu con venti cortes, d’ente los que rescampla ‘Genova’, casi 13 minutos n’alcordanza de Carlo Giuliani, el rapazu aquel que morrió d’un disparu de los Carabinieri nes maniges anti-G8 de 2001.
Sentíilu, o baxáilu dende equí.
Big Buck Bunny
Big Buck Bunny ye’l titulu del segundu cortu d’animación del Orange Open Movie Project, proyeutu de la Fundación Blender que produz películes con llicencies llibres y usando software llibre.
Tanto nel so primer proyeutu, Elephants Dream, como nel que tan acabantes de presentar ficeron usu intensivu de ferramientes como Blender, Gimp o CinePaint… y por supuestu en plataformes GNU/Linux.
Dende la so web podéis descargar la película o collaborar mercando’l dvd, la llicencia pa esti proyeutu ye Creative Commons by-3.0.
La Gustavo Bueno ‘piratea’ Wikipedia
Dame la risa. Güei, nun sé si vos enteraríeis, foi noticia l’anuncia de que la Fundación Gustavo Bueno presentó en sociedá un wiki al que-y punxeron el nome de La Enciclopedia de Oviedo. Diarios como La Nueva España axuntaban a la noticia una semeya del filósofu y terulianu de Gran Hermano Gustavo Bueno Junior, tou ufanu énte una pantalla qu’amosaba la portada del wiki.
Too correuto, nun habría problema si nun fuera porque la redactora entamaba la información d’esta manera: “Ha nacido la «wikipedia» de Oviedo. Aunque a sus impulsores lo de «wiki» no les gusta demasiado, la alusión a la enciclopedia virtual por excelencia es inevitable”. Hmm, ¿por qué nun-yos gusta lo de ‘wiki’? En ‘González y González’, como wikipedistes entusiastes, decidimos investigar, y entrar nesi wiki de dominiu surrealista y pocoperativu: http://el.tesorodeoviedo.es/
Mira tú que lo primero qu’atalantamos ye que tou’l sitiu ta montáu col software MediaWiki de la fundación ‘Wikimedia’. Per embargu, la llicencia y créditos del software tan escondíos tres d’una serie d’escuros enllaces. Mal empezamos.
Pasamos entós a ver la llicencia de conteníos: y nos topamos que, si bien la Fundación Gustavo Bueno consiente l’usu de los testos qu’espubliza pa usos non comerciales y siempre que se cite al autor, “a efectos legales el copyright de la Enciclopedia de Oviedo pertenece a la Fundación Gustavo Bueno“.
OK. Nun tien por qué haber problema. Pero mira tú que sí que lu hai cuando vemos que l’artículu que dediquen al conceyu de San Martín del Rey Aurelio diz que: “La población de San Martín del Rey Aurelio creció de manera importante desde finales del siglo XIX a comienzos del XX gracias al crecimiento económico y la agricultura que pasaba a minería”. Vamos entós a la denostada Wikipedia (edición castellanu) y atopamos que “La población de San Martín del Rey Aurelio crece durante finales del siglo XIX y comienzos del XX gracias a que la actividad económica aumentaba y la economía agraria se transformaba en minera”.
Alarmados énte la posibilidá de que daquién col prestixu d’esa fundación ‘pensante y sensata’ pudiera tar aplicando la técnica del ‘cortipega’ (tamién conocíu intertestualidá), probamos con otru artículu.
| Wikipedia | La Enciclopedia de Oviedo |
| Avilés es una ciudad y un concejo de la Comunidad Autónoma del Principado de Asturias (España), en las márgenes de la Ría de Avilés, a 25 km de Gijón y 27 km de Oviedo.Avilés es un concejo de 25,34 kilómetros cuadrados de superficie que representa el 0,239% de extensión del Principado, situado en el centro de la costa asturiana y a 26 km de Oviedo. Está limitado por el mar Cantábrico y por los concejos de Gozón al este, Corvera al sur y Castrillón e Illas al oeste. Los núcleos de población con más habitantes en el concejo de Avilés son, por este orden: Avilés capital, Miranda, Heros, Caliero, Tabiella y Sablera.(…)Hablar de Avilés ciudad y Avilés concejo es sinónimo, con una población de 83.538 habitantes. En ella está el segundo puerto en importancia de la región, su posición central le da el privilegiado puesto de estar en el nudo de comunicaciones, incluido el aeropuerto de Asturias a 14 kilómetros.Su capital con el mismo nombre del concejo (Avilés), está situada a la orilla de la ría, fue tierra de marinería y comercio y el primer puerto de Asturias.Su rápida industrialización trajo una masiva emigración y con tal un gran crecimiento en todos los aspectos. Avilés es una de las tres ciudades más importantes de Asturias y la tercera en cuanto a población. | Avilés es una ciudad y un concejo del Principado de Asturias, situada en las márgenes de la Ría de Avilés, a 25 kilómetros de Gijón y 27 de Oviedo.Su extensión como concejo es de 25,34 kilómetros cuadrados de superficie y está situado en el centro de la costa asturiana, a 26 kilómetros de Oviedo. Está limitado por el mar Cantábrico y por los concejos de Gozón al este, Corvera al sur y Castrillón e Illas al oeste. Sus núcleos de población más importantes son Avilés capital, Miranda, Heros, Caliero, Tabiella y Sablera.La población de Avilés es de unos 83.000 habitantes y constituye el segundo puerto en importancia de la región. Su posición central le da un lugar privilegiado en el nudo de comunicaciones, incluyendo el aeropuerto de Asturias, situado a unos 14 kilómetros.Su rápida industrialización trajo una masiva emigración y con tal un gran crecimiento en todos los aspectos. Avilés es una de las tres ciudades más importantes de Asturias y la tercera en cuanto a población. |
Y exemplos d’esto hai a esgaya. Podría pensase que, bono, quiciaves ye que dalgún wikipedista copió los artículos de ‘La Enciclopedia de Oviedo’. Raro paez, pero oye, chico, too puede ser en cuenta del prestixu ablucante d’esta peña. Pero non. Tampocu ye eso, porque esa maraviosa ferramienta del wiki, que ye l’historial, amuesa que los exemplos citaos son estables en Wikipedia dende meses enantes de que los enxertaren, acullá per setiembre, nel wiki de los de la Gustavo Bueno. Qué coses.
Sin nun ye dafechamente copia, tamién t’atopes coincidencies na estructuración de los artículos, o coincidencia absoluta na información qu’apurre esta enclopedia de la señorita Pepis (¡cuánto-yos pagaría l’Ayuntamientu d’Uviéu por esto?). De fechu, los artículos que, ensin dubia, son ‘orixinales’ d’ellos reconócense a kilómetros pola so engoladísima redacción.
¿Dalgún problema? ¿Nun ye ‘llibre’ la Wikipedia?. Paez que lo hai qu’esplicar too. Que sea llibre, señores de la Fundación Gustavo Bueno, quier dicir que son llibres pa usar la información qu’apurre la Wikipedia, pa tresformala, y pa distribuyila, NON pa apropiase d’ella. Les normes de Wikipedia lo dicen pernidio: los sos conteníos, y les sos derivaciones, han d’espublizase embaxo la mesma llicencia GNU/GFDL y, poro, nun pueden atribuyise ‘copyright’ nengún por ellos.
En fin… ye que’l ‘cortipega’ esplica tantes estenses bibliografíes…
Altuxa blogs, abre pa blogs nuevos.
Tamos acabantes d’abrir el rexistru d’usuarios y blogs nuevos p’Altuxa blogs.
Esta historia entamó va un añu y unos meses, cuando entamamos a trastiar un pocu con WordPressµ, que nun ye más que la versión multi usuariu del famosísimu WordPress. La idea yera ver si somos quien a facer una comunidá tipo blogger o wordpress.com n’asturianu, y como escusa nació González y González.
La idea nun ye la d’ufiertar un serviciu de blogues gratuitos al usu. Pa eso hai yá servicios como’l de Nireblog. Pel momentu, el alta nel serviciu ye ‘manual’, esto ye: va ser un alministrador quien apruebe l’apertura del blogue acordies col interés del proyeutu candidatu. L’oxetivu, básicamente, ye dar soporte n’asturianu, con tola calidá que seya posible, a blogues temáticos que puean tar xestionaos por ún o dellos autores.
Depués de munches pruebes, y dellos cambeos importantes (llegamos a tar casi que un mes ensin actividá) podemos dicir que tamos nuna fase bastante estable del proyeutu, que podíemos dicir que sal d’una fase alpha pa entrar en beta (esto pa los mui geeks) anque presta más vhs como dicen los de chuza.
Enfin, que Altuxa blogs ye una comunidá pa blogs escritos n’asturianu, tol sistema funciona n’asturianu (dalgún mensaxe puede qu’entá salga n’inglés), ye de baldre y nun tien publicidá.
Ente les sos caracterítiques, inclúi soporte pa ḥ y Ḷḷ nel editor de testos. Esto ye pa los que nun pueden instalar el tecláu asturianu nel so sistema (Windows y Mac OSX). Son simplemente unos botones que permiten enxertar estes grafíes ensin tener que andar copia-pega.
El sistema permite esportar tol conteníu pa llevalu a otru blogue y tamién permite importar dende plataformes como Blogger, Blogware, LiveJournal, Movable Type, TypePad, otros WordPress y de feeds RSS.
Tien soporte pa incrustar video y audio, ye personalizble con estremaes plantíes y te puedes construir fácilmente la to barra llateral gracies a pequeños “widgets”. Tamién pueden utilizase plugins qu’añaden funcionalidá al blogue.
Anguaño tenemos mui poques plantíes y plugins (fuimos instalando según facía falta), de forma que quien quiera un diseñu que nun tea n’Altuxa.com tendrá qu’avisanos pa instalalo, hai munches plantíes pa WordPress.
Pel momentu ufrimos 10Mb d’espaciu (pa semeyes y ficheros).
Tamién tamos acabantes d’abrir un blogue nuevu onde diremos dando anuncia de les novedaes y proyeutos nuevos que puean surdir de les idees nes que yá tamos trabayando dende Altuxa.com, qu’esperamos que sean unos cuantos y que sean d’utilidá.
Uiquipediona
Esi ye’l nome ideal pa esti proyeutu cuando pareste a mirar les cifres que manexa esti xigante del saber universal…
Idiomes: 256
Númberu d’artículos: 9.454.038
Númberu de páxines: 31.625.332
Ediciones: 425.928.312
Alministradores: 4.285
Usuarios: 10.431.960
Ficheros multimedia: 1.503.289
… cuando canses de ver bombes y guerres pela tele, presta ver que la humanidá puede facer coses realmente constructives… perdonái ye que respigueme un pocu con estes cifres… gracies a tolos que faceis esto posible.
Por cierto Viquipèdia t’acabante d’algamar los 100.000 artículos, norabona a los catalanoparlantes.
IU, col canon de la $GAE
Al platu vendrás, arbeyu…
10.000 artículos
La Uiquipedia ta acabante d’algamar los 10.000 artículos. Teníemos los uiquipedistes, unos más, otros menos, l’enfotu de llegar a esta cifra enantes de la manifa del 24 payares. Yera una fecha, y una cifra. Y se fizo.
Val que puede que nun seya entá una wikipedia potente, que la calidá de los artículos nun seya mui aquello, pero a poco y a poco, pasu ente pasu, va medrando. De fechu, si vos ponéis a mirar lo que se fai n’otres wikipedies d’idiomes minoritarios, veréis que, en cuantes a calidá, nun ye l’asturiana precisamente de les más baxes. Y amás, yá sabéis, toos podéis colaborar, iguando errores, escribiendo, traduciendo… Norabona a tolos que collaboraron dacuando na Uiqui. Y a siguir.
Bruce Springsteen quier acabar cola música
O eso ye lo que según determinaes entidaes de xestión, busca Bruces Springsteen al colgar n’internet el so discu nuevu en MP3. Haz unes selmanes salió la noticia de que ponía en descarga el primer single de “Magic” y güei fae lo mesmu col discu completu. Según el propiu bruce ye una forma de promocionar el so discu y los conciertos, que tan a la venta tamién n’internet.
El fechu de que seya precisamente Bruce Springsteen y non otros los músicos que faen este tipu de coses ye bien significativu. Bruce Springsteen ye quiciabes un músicu con tal reconocimientu y exitu que puede decidir que facer cola so música sin que nin siquiera les grandes multinacionales (que viven del so trabayu) puedan negase a colgar el discu na rede. Con esto lo que quiero decir ye que anguaño los músicos son los que tan amarraos por discográfiques y entidaes de xestión (que nun son más que un sindicatu vertical onde hai patronos y trabayadores) tan amarraos porque ellos tienen la pasta y el poder, pero claro Bruce puede decir, pos marcho pa con otra compañia… Entos ¿quienes son los malos de la película? ¿quienes son los que acaben cola música zarrando festivales y llocales con direutos?
Que naide s’engañe, cada vez la xente merca más música (los propios datos de la $GAE lo dicen). Cuando zarren tiendes de discos dicen que ye por culpa de les descargues d’internet, pero yo entá nun fui capaz a baxame del emule medio kilu de picadillo y les carniceries de barriu tamien zarren, igual tien más culpa “Carrefull” que internet.
Amás que polo xeneral cuando daquién siente dalgún discu que-y presta va dir a buscalo, falo de xente a la que-y presta la música, por supuestu que nun voi mercar el Ibiza Mix, pero si que me presta garrar una caxina con semeyes y un diseñu trabayau, tener la referencia física d’un soníu que me diz algo.
Ubuntu Tribe, the movie
Ubuntu Tribe, un garrapiellu de xente enfotada en da-y puxu al euskera al traviés del software llibre ta acabante d’asoleyar el trailer de lo que sedrá ‘Ubuntu Tribe, the movie’, un proyeutu de mediumetraxe col que difundir el so trabayu al empar del usu de llicencies llibres y el llabor n’andecha pala creación y difusión de la cultura y el desendolcu de ferramientes informátiques.