Siguimos coles bicis, y los videos frikis de Robin Moore. Depués del exitazu de “Peformance” (el cantar antifixie) espublizó esti otru videu que toi acabante de descubrir… agora toca-yos a los gochones, y malotes, del barru y la bici de montaña…
Aprovechamos pa recordavos que mañana vienres a les 20:00 tenemos masa crítica en Xixón, na Plaza’l parchís.
Sí, tamos mui pesaos coles bicis… diónos per ehí… pero estos dos videoclips (del mesmu autor) tenien de tar en GyG…
Tornó’l eurodance dando pedalaes…
Y l’himnu antifixie, que personalmente soscribu, entiendo la so utilidá pa facer el piḥo y que son mui cools… pero pa moveme pela cai… una bona bici urbana ye más práctica…
De xuru que de guaḥes más d’una vez punxisteis nun coche enllenu polvu o barru la pallabra “GOCHÓN”, y gochón quedaba el deu col que facieis la gracia. Pos un grupu de ciclistes brasileiros evolucionó esti conceptu pa convertilu n’activismu simpáticu…
Porque la bici nun ye tan gocha… nin tan agresiva… (una filmina interesante: À Sombra de um Delírio Verde)
Pedala Zezinho ye un proyeutu desenvueltu nel sur de São Paulo. En tres sábados del pasáu setiembre mecánicos voluntarios revisaron de baldre 210 bicicletes de guaḥes de la zona y iguaron más de 150. Pa más información, visitai aromeiazero.com
Vía: Meruqina (otra vuelta)
“Way back home” ye un viaxe acrobáticu del “biker” escocés Danny MacAskill dende Edimburgu a Dunvegan (la so ciudá natal) na islla de Skye… Vía: Meruquina
“A Day’s Messing” ye una comedia muda filmada en Super 8mm al estilu de Buster Keaton, George Melies o Charlie Chaplin que tien de protagonista a un mensaxeru en bici de Nueva York, pero lo meyor ye que ta rodada esti añu (como díz nos créditos MMXI) y presta el contraste de ver coches del sieglu XXI o teléfonos móviles con esa estética de principios del sieglu pasáu… amás del tema bici… XD
Xente incívico hai abondo, y quiciabes midíes como les que propne A. Zuokas, alcalde de Vilnius, son una bona solución pa evitar que la xente aparque automóviles nos escasos carriles bici asturianos…
Resulta que’l alcalde de la capital llituana, ciclista urbanu, y fartucu de que los propietarios de coches d’alta gama nun respeten les normes d’aparcamientu (paez que les multes nun tienen efectu n’esti perfil de conductores), decidió usar un tanque pa llimpiar el carril bici y dexalo llibre pa ciclistes…
http://www.youtube.com/watch?v=DXPUqRGWDYY
