Xente que pierde tiempu y enerxía en criticar la Wikipedia, pero nun gasta un segundu n’intentar ameyorala…
Tag: Wikipedia
La política ta nos comentarios de les webs de los periódicos
Cómo mola l’usu de les nueves tecnoloxíes, que molen cantidubi persé. Nun hai partíu que se precie, nin grande nin pequeñin, que nun tenga una pila cuentes en toles redes sociales, perfiles más falsos que la falsa monea de los sos cabezaleros. Toos paecen convencíos de que si quieres facer dalgo nes próximes elecciones van tener que dexase la vida tecleando nel ordenador. Hailos que paez que tan porque tienen que tar, y otros son de verdá xente activa na so vida dixital más allá de la precampaña.
Pero hailos que se tan destacando como los pesaos más pelmas y plastas de tol internet. Tan convencíos de que nun-yos queda otra pa facer llegar el so mensaxe que aburrir al personal colos sos comentarios nes noticies de les webs de los periódicos. Esta estratexa tan sagaz ye dalgo qu’utilicen tolos partíos, dende los grandes a los pequeños, pero los chicos del ‘magenta’ son los que se lleven la palma. Tengo visto noticies con más de mediu centenar de comentarios que la mitá taben fechos pol mesmu fanboy de Rosa Díez respondiendo a los que-y poníen de chupa de dómine.
Será que gracies a ello, y como diz ‘Güelito Pombo’, el simpáticu escritor de la Asturies de Santillana, U-PE-Y-DÉ!!! ya ta na wikipedia y hasta “nel wikiliks” (gloriosu videu d’APM? vía Viti).
Aplicación práctica del Eslema
Ai que contentu que toi col traductor Eslema. Depués de muncho tiempu, toi acabante de crear l’articulu de Wikipedia sobre Luis Buñuel. Nun tenía munches ganes d’escribir abondo asina que garré’l códigu de la Wikipedia castellana, peguélu nun documentu de testu, pasélu pol Eslema y, voilà!, ún de los más llargos y completos artículos de la nuestra Uiquipedia en malapenes 15 minutos. (Eso sí, tiempu dedicáu na so mayoría a repasar errores de traducción y la igua del códigu wiki que fuera necesariu). Ya se ta animando tol mundu a da-y un emburrionín a la Uiqui, qu’ultimamente anden mui solinos Bar y compañía.
Ximena Sariñana
Diba a la gueta de fricaes pel youtube cuanto m’atopé esta ayalguina que ta pa entamar promocion n’España. Ximena Sariñana ye una cantante mexicana de 23 añinos, fía de papá direutor de cine y mamá guionista, pero ella ye una de les artistes con mayor personalidá que viera en munchu tiempu. Canta como si nun lo quixera facer, y sal-y dalgo… nun sé… adorable.
Calca equí pa velu darréu nel youtube.
Si buscáis Ximena Sariñana na wikipedia, fiaivos más del testu n’inglés que nel castellanu.