Caxigalines

Tu pidi, pidi permisos…

La Policía y la Guardia Civil sacaron una aplicación que mira les cuentes que tengo configuraes nel móvil, los mios contactos, mios documentos ficheros y fotografíes en preseos internos o esternos, graba soníu, llee la identidá y l’estáu del teléfonu, ye a facer llamaes, llee el mio allugamientu, ye a usar mio cámara pa grabar y facer semeyes, accesu completu a la rede, evita que’l móvil quede en reposu… VOI CORRIENDO A INSTALALA!!!!

Andanciu #9

De la que venía a trabayar chocóme que nun me cruzara con nengún audi, bmw, mercedes, porsche cayenne nin coches de gama alta (dalgo bastante común) crucé con una furgo de reparto mercedes namás, el resto yeren coches cenciellos, mayoría seat y dacia. Lo más top yera el suv hibrido que tienen los munipes de Carreño. Paez que ye evidente que los trabayadores esenciales somos tamién los que tenemos un nivel adquisitivu más humilde… 🤔

Andanciu #4

Digo yo, que depués de 7 hores en direuto munches neurones nun me queden, pero ye evidente que van facer falta perres públiques abondo pa salir d’esto. Y al tiempu tan les cais desiertes, polo menos de la que voi a trabayar a les 6:30, y anque deberíen suspendese los pagos a eléctriques (y qu’apoquinen elles) pero nun podríen de mano les alministraciones apagar les faroles y aforrar una pasta, igual nun toes, pero casi porque mete mieu la pila de lluz que hai a eses hores pa mi solu…