Y llegó el día nel que los perros saquen a pasiar al humanu…
Caxigalines
Andanciu #2
Tuvi que dir trabayar, por mor del serviciu públicu y tal… Y agora presento síntomes del galbana virus…
Andanciu #1
Vamos que como ta entamada en Madrid vamos fundir económicamente toles CCAA nun vaya ser que peligre’l centralismu
Nómina
Nómina de va 20 años… Tenía 19 y repartía tucos y escalopinos nuna vespino ensin frenos… Paez poco pero yeren 30.000 pelas!!!
Coleición de cromos
Resulta que pa poder aparcar en Xixón en 2021 vamos necesitar la pegadiella de les emisiones d’España, que nel mio caso súmase a les que ya tengo pa les ciudaes d’Alemaña y Francia… Y digo yo, que mui llistu nun soi, pero siendo les normes Euro d’emisiones un estándar pa la UE… Por qué nun saquen una pegadiella pa tola UE y nun tendríemos que andar cola coleición de cromos nel parabrises? 
Fai falta pedagoxía…
Xente que pierde tiempu y enerxía en criticar la Wikipedia, pero nun gasta un segundu n’intentar ameyorala…
Trashware
Esti aparatu tien más de 20 años, y nun tien soporte oficial dende va 19, y toi acabante escaniar un documentu con el, si en cuenta d’usar sistemes privativos que fomenten la obsolescencia del hardware como Windows o MacOS, toos usaramos sistemes llibres como GNU/Linux nun sería raro tener un scanner del sieglu XX funcionando perfeutamente.
Fútbol y muyeres
17 años rotulando fútbol, dende partíos de nenos a Champions…
Güei rotulé per primer vegada un partíu nel que xugaben muyeres…
Bombilles
Les bombilles led nun “funden” y puedes iguales (o facer una gochada como fice yo). Nesti casu los leds van en serie y como paso de soldar un led nuevu nel sitiu del que quemó (que sería lo suyo), lo pontié con estañu y pista… Menos plásticu pa cogersa y a ver lo que aguanta. Ye una bombilla de les barates y cuido que llibera mal el calor, abultame que por mor d’eso quemó el led.
El colonizador de La Florida
El conceyu d’Avilés, que tantos homenaxes fai al xenocida que colonizó La Florida pal imperiu castellanu, cuelga la bandera del arcu la vieya nel balcón ensin saber, probablemente, qu’amás d’usase pa la vindicación de los derechos de los homosexuales tamién ye un símbolu de los indíxenes americanos… nun se a vosotros, pero esti doble sentíu me presta pola vida!
