Un pocu d’esperanza con Sony…

Nunca entendí les postures comerciales de Sony que siempres van a la escontra lo que paez llóxicu. Cagola col Betamax siendo esti un sistema munchu meyor que’l VHS pola so negativa a la comercialización del sistema por parte d’otres empreses.

Anguaño pa poder pasar música al mio Sony net MiniDisc en formatu comprimíu teo que facer usu de ReactOS porque a los señoritos no-yos apetez facer versiones pa MacOS X nin pa GNU/Linux nin muncho menos lliberar l’especificaciones pa que otru pueda facelo si quier.

Reconozo que de siempres prestaronme les consoles de Sony, anguaño tengo la PlayStation2, cumplen la so función y tienen milenta xuegos, pero d’unos meses paca tamién reconozo que la Nintendo Wii ganó munchos puntos ya que de les tres consoles de nueva xeneración (xBox 360, PlayStation3 y Wii) ye la única que aporta coses nueves (amás aporta munches).

Pero resulta que los de Sony sabiendo que la competencia ye dura (y nun falo de la consola de Microsoft…) sacase un as de la manga cola noticia de que incluirá de serie na nueva versión de PlayStation el sistema operativo Yellow Dog Linux, una distribución GNU/Linux que los usuarios de PPC conocemos ya que ta especialmente orientada a este tipu d’arquitectures, anque yo uso Ubuntu pal mio pequeñu ibook. Lo que nun se, ye como será esa versión 5.0 de Yellow Dog, nun aclaran muncho na páxina, anque lo que paez evidente ye que más que d’una consola tamos falando d’un ordenador de salón… a ver como respuende Nintendo…

3 comentarios en “Un pocu d’esperanza con Sony…”

  1. Pues qué quies que te diga… Nintendo barrerá casi con toa seguridad, lo tien perfácil. Nun fai más falta que güeyar lo que se fala de una y otra na rede. Con o ensin Linux.
    Por ciertu, fíate de Sony, conocía nel mundu enteru por sus rootkits y sistemas propietarios, sin ir más lloñe, la PSP, que tá siendo defenestrada pola DS ensin piedad en tolos territorios, en Xapón ye in-cre-i-ble, pero lo más llamativu, nel Reinu Xuníu, feudu tradicional de Sony.

    Cualquiera que conozca un pocu esti mundillu de les consoles sabe que los xuegos son lo que vende. La PS2 vendió por eso. La Wii probablemente tamién.
    Personalmente espero que Nintendo salga ganando. Más que na porque son de los pocos que siguen atreviendose a facer coses tan distintes de lo normal. El éxitu de Sony ha traido la “mainstreamización” de los videoxuegos, con lo que cada vez ta produciéndose más y más el mismu efeutu que na música: 40 principales, Bisbal y poco más.
    Otru efeutu collateral que traen estes nueves consoles y que poca xente parez tener en cuenta ye’l coste de desarrollu de los xuegos. Si n’esta última xeneración los xuegos eran percaros de facer (tamos falando de presupuestos de entre 1.000.000 y 10.000.000€), colo cual los editores nun se arriesguen apenas a sacar coses nueves (ye meyor probar con el FIFA 4500, que va a vender seguro, o el xuegu de la peli de moda), la cosa se agravará muncho más entovía coles nueves capacidaes.
    Los costes son tan prohibitivos (entre 3 y 10 veces más que la última xeneración), que munchos pequeños estudios queden fuera de xuegu por completu, lo cual dende llueu trae consigo más estancamientu creativu, por no falar del tiempu extra que va a llevar facer un xuegu. Toes eses textures, modelos, shaders y demás faenlos xente que cobra mucho a la hora, y ahora requerirán más trabayu aún (véase HD). Eso ye otra ventaxa oculta que tien la Wii (exactamente la mesma que la DS, si faen munchos más xuegos pa la DS ye precisamente per esta cuestión), que al ser tecnoloxía sólo un poco superior a esta última xeneración, facer xuegos pa ella será más asequible que pa les otres dos. Nintendo sabe esto perbién y ta xugandolo maxistralmente cola DS, la prueba ta na calle. Sin mencionar que pa munchos pequeños estudios va a ser perinteresante el facer xuegos pa la consola virtual (vamos, facer xuegos comercialmente pa la SNES, o pa la MegaDrive, pero nel emulador de la Wii).
    En fin, podía pasame así hores, pero non quiero daros más la chapa.
    Supongo, Mikel, que ya sabes quien soy. Un saludu. 🙂

  2. Escaeces una cosa perimportante, que ye quiciabes lo más interesante de la noticia, y ye el fechu de que van usar Yellow Dog, pa ser más concretos GNU/Linux… dirás ¿y qué?… llicencia GNU/GPL el códigu fonte tien que lliberase o la FSF se les hecha encima, esto permite tamién el desendolcu de xuegos llibres (una hipotesis que quiciabes nun llegaste a plantegate) el fechu de que’n linux nun heba xuegos pontentes nun ye pola falta de desarrolladores nin muncho menos, sinon pola negativa de les empreses a lliberar especificaciones del hardware capaz de mover 3D y demás mierda espectacular que tanto-y mola a la xente. Nun digo que vaya ser meyor peor o quién va ganar (nun me posiciono como nel fútbol) pero quiciabes tolos puntos que tien a favor wii agora mermen un pocu poles posibilidaes que me da el poder trabayar direutamente sobre’l sistema operativu de la PS3 (anque siga sin ofreceme coses que namás trae la wii) ensin dubia nenguna si la wii tomara el mesmu camin (hai rumores entá ensin confirmar) que la de sony quedome col cacharrín xapones.

  3. Pues ties razón, non pensé en ello. Lo que sí que sería perfeutu ye que ocurriese eso en toes les consoles, porque saldríamos ganando toos. Lo que non tengo tan claro ye que Sony cayera de la burra.
    De toes formes, la propia arquitectura del Cell pue llegar a ser un impedimentu importante si non lliberen ferramientes que lu usen de forma eficiente. Muchos de los programadores “oficiales” de estudios que trabayen pa sony taben bastante quemaos con esi tema.
    A lo meyor con la PSP aprendieron daqué. Esperemos que sí, po’l propiu bien de Sony, porque ta xugándose’l so futuru corporativu a una sola carta. La situación financiera de Sony non ye precisamente envidiable.

    Y agora, pa reise un pocu del tema:
    http://www.youtube.com/watch?v=pJElsNaC6yQ&mode=related&search=

Responder

La direición de corréu electrónicu nun va espublizase.