Calca equí p'amosar conteníu dende YouTube.
Consulta la política de privacidá de YouTube.
Why can’t we be friends?
¿Tan dificil ye? ¡Oficialidá!
Ximiélgate como Iris Chacón
Iris Chacón ye una cantante, presentadora, baillarina y vedette puertorriqueña… anque entamó trabayando con Telemundo los mayores ésitos artísticos d’Iris fueron dende 1973 hasta bien entraos los 80, periodu nel que trabayó en “El show de Iris Chacón” pa Wapa televisión.
El casu ye que amás d’anuncios enforma machistes, fizo películines casposes con Manolo Escobar onde cantaba y baillaba… yo de mayor quiero baillar como ella…
Gracies Sara… 😉
Cascos retornable, Valledor insiste
Entamen a tomase posiciones cara a les eleiciones de 2011. Güei apaez Cascos dando anuncia en La Nueva España a la so intención de volver a la política. Como si nun se fuera a esperar esta anuncia depués del so mitin na ceremonia d’entrega de los caspipremios de la Sardina, va unos díes n’Avilés. Con ciertu tonu salvapatries, Cascos vien a dicir qu’a los del PP asturianu ta visto que nun se-yos pue dexar solos, y qu’Asturies, ensin él, pierde muncho. Esto último, nun hai quien-y lo discuta. El casu ye que la murnia y folgazana cúpula pepera asturiana, que se creía llibre de Cascos, ya se pue preparar. ¿Qué cálculos fadrán na FSA?
D’otra manera, Valledor insiste na so propuesta de partíu políticu nuevu. Failu nel númberu trés de Atlántica XXII (yá nos quioscos), nun artículu nel qu’afonda no ya conocío: les sos ganes por impulsar un partíu asturianu, d’esquierda, asturianista, ecoloxista y feminista. Sacante lo de ‘partíu asturianu’, lo demás paez que se correspuende con la definició que de sigo faen n’Izquierda Xunida… asina qu’a ver. Como dicíen va poco en Les Noticies, cuido que yera Inaciu Iglesias nun artículu: falta saber qué ye lo que más diba primar nesi hipotéticu partíu, si Asturies, o si la supuesta izquierdosidá que xustifica pactos que-y permitan a la FSA caltener el chiringu.
Niemeyer tien 26 años…
Home de 26 años, bisexual, busca facer amigos y contautos con profesionales. Vota a tolos políticos y cree en tolos dioses… eso ye lo que diz la páxina oficial nel Facebook del Niemeyer Center… ye una chorrada pero faime gracia… ¡qué 2.0 que somos! XDD
Prestábame tocar el baxu como Larry Graham
Paez que tamos mui musicales nes selmanes últimes. El casu ye qu’amás del celemín, el vibráfonu y la batería, prestábame tocar el baxu. ¿Que quiés montar un grupu y nun tais más que tú y el to primu bomberu de la banda gaites? Nun pasa nada… deprende a eslapear como Larry Graham y qu’el to primu acompangue colos tambores. (Pena de soníu)
Super Mario Bros. 2 y la so musiquina
Cuido que la música d’esti prestosu videoxuegu, col que mate hores y hores de guaḥe y non tan guaḥe, ye de les que más versiones tienen pela rede. Y hasta va pocu tenia como favorita la percusión d’Andrea Vadrucci (aka Vadrum). Pero el compañeru Render unvióme un corréu col enllaz a otra versión bien prestosa d’Adrian Holovaty.
Yo nun se con cuála quedar, cada una tien lo suyo y son bien estremaes. Dexovos les dos pa que decidais…
Vadrum:
Sigui lleendo Super Mario Bros. 2 y la so musiquinaMorrió’l más grande entertainer
Morrió Michael Jackson, pa mí, el más grande entertainer de los últimos cuarenta años. Y morrió con 50.
Quédome col conciertu que gocé nel branu de 1992, con Thriller y Dirty Diana, con Billie Jean y Black or White, con Beat it y Smooth criminal. Quédome col ‘moon walk’ y la semeya que-y fizo Annie Leibovitz, y col cartafueyu que vien col vinilo cuádruple de History que m’autorregalara pal cumpleaños el mesmu día que saliera al mercáu (eses ediciones nun se baxen na mula). Quédome, tamién, col so canal oficial nel youtube, onde hai hores de videos inolvidables, y colos videos non oficiales coles sos apaiciones xunta los sos hermanos na television americana de los 70…
Tanz mit Laibach
De la ciudá minera de Trbovlje, en Eslovenia, vien Laibach. Grupu que nació en 1980 como asociación cultural.
Utilicen la música industrial pa ridiculizar cualesquier réxime políticu, dende’l nazismu a la democracia, pasando pol comunismu que cesuraba les sos “performance”. Critiquen la falta de llibertá de los ciudadanos y les manipulaciones de los medios…
Equí vos dexo el videu “Tanz mit Laibach” (bailla con Laibach)… que vos preste…
Afro ninja si que da la cara