Tecláu n’asturianu pa xkb

teclau_ast.png

Acabo facer una distribución pal tecláu con soporte pa ḥ y ḷḷ. Como lleva un tiempu ente que mando los nuevos ficheros de configuración y demás, equí vos pongo una chapucina pa los que nun queráis esperar.

Namás que ta probáu n’Ubuntu, espero que vos sirva.Lo primero ye baxase (calca col botón drechu y guardar como) el ficheru del tecláu y el del llistáu de distribuciones (esti últimu pesa casi 1 mb).

Lluéu hai que copiar el tecláu al direutoriu /usr/share/X11/xkb/symbols/

$ sudo mv es /usr/share/X11/xkb/symbols/es

y el llistáu a /usr/share/X11/xkb/rules/

$ sudo mv base.xml /usr/share/X11/xkb/rules/base.xml

Y p’acabar vamos al menú Sistema>Preferencias>Teclado

Na pestaña Distribuciones y col modelu de tecláu en “PC genérico 105 teclas (intl)”

Calcamos el botón añadir, nel menú “Capas” marcamos España y nel menú variantes marcamos l’asturiana y calcamos añadir, seleicionamos como predetermináu la distribución asturiana zarramos la ventana y llistu.

Pa poder escribir ḥ calcamos Alt Gr + h pa escribrir Ḥ Alt Gr + Shift + h y pa la ḷ Alt Gr + l y pa la Ḷ Alt Gr + Shift + l

ACTUALIZACIÓN: Tan acabantes d’aceptar el parche en freedesktop, na versión siguiente (mañana) de cvs ya tará soportáu, y pa les prosimes versiones de les distintes distribuciones de GNU/Linux ya deberíen incluilo.

Lau teilatu

Enllace de descarga

Esti día dióme por buscar ún d’esos cantares que te ponen tienra l’adolescencia. Y atopélu, cómo non. Hai un cientu de versiones perhí, la última fecha en comuña por Amaia Montero (ex-oreya) y Mikel Erentxun pa celebrar el venti aniversariu d’Euskadi Gaztea. De fechu, Lau Teilatu ye la pieza más reconocible d’Itoiz, que pa quien nun lo sepa foi el grupu que nos setenta amosó que l’euskera yera tolo afayadizo que se quixera pa facer pop. Vos dexo la lletra.

Lau teilatu
Hemen gaude
ta poztutzen naiz
ta ziur zure aita ere bai;
ta zer ondo… zelan dijua
zure bufanda txuria.
Lau teilatu gainian
ilargia erdian eta zu
goruntz begira,
zure keia eskuetan
putzara batekin… putz!
Neregana etorriko da
ta berriz izango gara
zoriontsu
edozein herriko jaixetan.
Goxo goxo
kanta egin nazu
Benitoren MarÆa Solt.
Negarrik ez,
txuri zaude ta malkoak
zure kolorea kentzen dute.
Lau teilatu gainian…Felix, Felix bihar
berriz egongo gara
txanpain apur batekin;
diru gabe baina
izarrak gurekin daude,
piano baten soinuaz.

Lau teilatu gainian…

Equí tamos,
y alégrome,
y de xuru que to pa tamién;
y buenu… que, qué tal
cola bufanda blanca.
Enriba cuatro teyaos,
la lluna en mediu, y tú
mirando p’arriba,
el xestu de les tos manes
con un sospiru… buf!
Vien hacia mín
y otra vuelta seremos
felices
nes fiestes de dalgún pueblu.
Seliquino,
cántame
el Maria Solt de Benito
ensin llorar,
tas pálida y les llárimes
te quiten el color.
(Enriba cuatro teyaos…)Mañana vamos volver
a ser felices, felices,
con un poco de xampán;
ensin dineru, pero
les estrelles tan con nós,
col soníu d’un pianu.

(Enriba cuatro teyaos…)

Inocentaes…

N’importe Qui ye’l  nomatu de Remi Gaillard, un actor francés especializáu en camares ocultes y en colase en eventos deportivos… nun dexeis de visitar la web.

Calca equí p’amosar conteníu dende DailyMotion.
Consulta la política de privacidá de DailyMotion.

Calca equí p’amosar conteníu dende DailyMotion.
Consulta la política de privacidá de DailyMotion.

AsturianUS making of

Güei la TPA va emitir el documental AsturianUS, sobre los asturianos emigraos a West Virginia a entamos del sieglu pasáu. Buscando pel youtube dalgo del docu atopé esti reportaxe emitíu pola televisión pública de WV so’l rodaxe.

Calca equí p’amosar conteníu dende YouTube.
Consulta la política de privacidá de YouTube.

La parte segunda ta equí.

Y equí una entrevista col direutor, Luis Argeo, enantes de la estrena del docu na mesma canal.

Asturian tipical tablao

Supongo que dalgunos lleísteis estos díes na prensa que esti mes va haber n’Avilés un ablucante alcuentru de responsables de dellos importantes centros culturales del mundu. Denomínenlo la cumbre del G-8 de los centros culturales (el Pompidou, la ópera de Sydney, el Lincoln Center de Nueva York…), y ta montada pa da-y dalgo de puxu al centru cultural que, diseñáu por Oscar Niemeyer, van construir n’Avilés.

Pues bien… el diariu El País dio anuncia d’esti alcuentru esti día, y llamóme l’atención esti parrafin: “Estos auténticos popes de la acción cultural se reunirán en Avilés con el ministro de Cultura español, César Antonio Molina, y con el presidente del Principado de Asturias, Vicente Álvarez Areces. Amenizados por los villancicos flamencos de Enrique Morente, que les dedicará una velada exclusiva como colofón del encuentro…”.

Sigui lleendo Asturian tipical tablao

Vico C, l’evanxelista cool

Calca equí p’amosar conteníu dende YouTube.
Consulta la política de privacidá de YouTube.

Ética periodística 2 (Tini maqueta periódicos)

Recuperamos equí una serie entamada tres de l’anterior manifa pola oficialidá, y na que facíemos un analís de cómo la prensa asturiana abordaba l’acontecimientu. Nesta ocasión, les conclusiones nun son, nin de cerca, positives pal periodismu asturianu, qu’amuesa en dellos casos un grau de servilismu hacia la FSA como nunca se viera.

La Nueva España

Por entamar pol diariu ‘lider’ (esto ye, el que más periódicos vende), pudiéramos dicir que una manifestación convocada pola mayor plataforma cívica d’Asturies, la que más manifestantes congregó en tol añu, y que se vien repitiendo como la mayor reivindicación social d’Asturies de los trenta años últimos, nun merez sitiu na so portada, nin na portada dixital, nin na de papel. Cierto ye qu’esti día, Asturies taba tremada de noticies. Asina, el periódicu abre cola opinión del presidente de la Federación Asturiana de Empresarios sobre l’allugamientu de la fábrica d’armes de Trubia, o el desenvolvimientu d’un residencial uvieín, o llamentando la falta de ñeve nes estaciones d’esquí. (Nun ye coña, son los titulares principales pa’l diariu). D’esta manera, nun hai llamada nenguna a la información sobre la manifa, que nun s’atopa hasta la páxina 49 (tercera de la seición de Cultura y Espectáculos). Una crónica, correuta y descriptiva, na que se señalen aspeutos como la presencia d’una pancarta del PP y de cabezaleros d’esti partíu por primer vez nesta convocatoria añal.

El Comercio

El diariu xixonés foi l’unicu de la prensa asturiana qu’inxertó na so portada una llamada a la crónica de la manifestación. Eso sí, en forma de sotítulo de lo que, pa esti diariu, ye la noticia: unes declaraciones del capo de la FSA, Javier Fernández, echando pela oficialidá y vinculando la so demanda a conceutos tan suxerentes como “intolerancia” o “exclusión”. Asina, si siguimos esa llamada llegamos a la páxina 34 de la seición Política. Ellí, l’inquietu periodista fai una ¿información? na que se recopilen delles declaraciones del mandamás socialista (unes del mesmu día de la manifa, otres de va selmanes) nes que se constrúi el siloxismu siguiente: “La reivindicación llingüística ye glorificar la llingua, ello ye sobrevalorar lo propio, que lleva a la intolerancia. El nacionalismu ye intolerante, polo que namái busquen que nel so territorio sólo vivan los suyos. La demanda de la oficialidá namái escuende l’intentu d’imponer el nacionalismu n’Asturies”. Ergo… los que nos manifestamos el sábadu n’Uviéu, en realidá tamos pidiendo el destierru (o daqué peor) de tol que nun tea na manifestación. La crónica de la manifa, n’esti diariu, apaez como un complementu ilustrativu de la rellumante filosofía d’esti home d’eterna americana con vaqueros y reconocíos vezos democráticos.

La Voz de Asturias

Esti periódicu optó güei por amosase como un perfeutu exemplu de propaganda. La so portada recordaba aquellos tiempos nos que les noticies subnormales o internacionales llenaben espaciu pa nun falar de lo que pasaba en casa. A cincu columnes, el titularón ye’l que vien darréu: “Los padres de colegios públicos piden uniforme”. Nun ye broma. La semeya del día, a cuatru columnes, ye la de dos mozos con tables de ‘snow’ en Payares, col titulín: “La nieve llega fiel a la cita”.

La información sobre la manifestación nun se fai notar hasta la páxina 65, la tercera de la seición de ‘Cultura y espectáculos’, tres de dos páxines sobre’l festival de cine de Xixón y un reportaxe a toa páxina sobre una biografía nueva del gran Tino Casal. La crónica de la mani entitúlase ‘Los asturianistas anuncian una ofensiva por la oficialidad’. Puede pasar, pero… ¿daveres foi esa la noticia? O ye que mola más asociar esa reivindicación a términos negativos como ‘ofensiva’, propia de bastasunos quema caxeros?

Avui

El diariu catalán sorprendió al incluir la crónica de la mani servida pola axencia Europa Press na portada de la so edición electrónica. Dafechu foi una de les noticies más comentaes nesti periódicu.

(Igua: De fecho, la noticia apaez el llunes como ‘L’artículu más lleíu d’ayeri’).

TPA

Nun sé si nos informativos dixeron daqué nin cómo lo dixeron. Sólo sé que nel so portal n’internet, nun apaez mención a la manifa, nenguna. Eso sí, nos informen estupendamente de qu’Asturies foi la segunda comunidá na que más medró la oferta hotelera ¡¡dende 2000!!

Teleasturias

Tampoco nun vi los informativos d’esta canal ‘illegalizada’ pol Gobiernu autonómicu y que ya namái emite per cable o internet, pero la mani foi el titular de portada tol domingu.

Conclusiones.

Ta perclaro que nun paga la pena esmolecese. Tamos nuna sociedá na que cuantayá que los diarios nun piensen nos enfotos y intereses informativos del so llector (debe ser que les decenes de miles d’asturianos que de forma activa desiximos la oficialidá nun lleemos periódicos), sinon que trabayan pa la inmediatez de la cuenta de resultaos, y ello depende del dineru públicu (tamién de los que desiximos la oficialidá) que yos apurre el Gobiernu de Álvarez Areces.

D’otra manera. Dalgo falla. La FSA tien munchu mieu a qu’esti movimientu puea amenorgar les sos cotes de poder (nun lo digo yo, lo diz güei en El Comercio el so cabezaleru), y por eso tien una estratexa clara, bien articulada y contundente. Tien un mensaxe fuerte y direutu a les vidayes: ‘oficialidá ye imposición’ (Hostia no, imposición… yo nun quiero que m’impongan nada). ‘oficialidá ye nacionalismo’ (Hostia no, nacionalismu… eso ye lo de la ETA y lo del Carod Rovira esi, cagunmimantu…). Por contra, el mensaxe del CAO ye débil, nun tien medios, y, poro, el so mensaxe requier de continues desplicaciones. Fain falta propagandistes capaces de contrarrestar el mensaxe de la imposición, con consignes comparables, y con estratexes de marketing afayadices. Ensin eso… muncho nos va costar.

Por cierto, les marches a pie dende Xixón, Trubia, Avilés, La Felguera y Mieres, quedaron pa práu.

Da Arabian MC’s

DAM (Da Arabian MC’s), son tres raperos palestinos con nacionalidá israelina, normalmente usen l’árabe pa los sos testos pero n’esti videoclip combinen hebréu y árabe pa, según ellos, que’l so mensaxe “llegue a más xente” y denunciar asina la situación na que viven los “árabes israelinos”.

Calca equí p’amosar conteníu dende YouTube.
Consulta la política de privacidá de YouTube.